Adəti üzrə bundesliqada son turun oyunları eyni gündə və eyni saatda keçirildi.

Son tur ərəfəsində əsas intriqa ÇL-ə vəsiqə uğrunda yaşanırdı. 3-4-cü pillələrdə qərarlaşan klublar, yəni “Ayntraxt”la “Frayburq” bir-biri ilə oynadığından “Borussiya”ya ÇL-ə vəsiqə qazanmaq üçün “Holştayn”ı evdə iki top fərqilə yenmək kifayət edirdi.

Gözlənildiyi kimi, “arılar” bu çətin olmayan vəzifənin öhdəsindən artıqlamasıyla gəldilər. Çünki elitadan düşməsi hələ ötən tur rəsmiləşən “Holştayn” Dortmundda artıq 9-cu dəqiqədə azlıqda qaldı. Girassi 21-ci qolunu vurmaqla adını klub tarixinə yazdırdı. O, “Borussiya”nın heyətində ilk mövsümdə bundesliqada ən çox qol vuran futbolçuya çevrildi!

Bundan başqa, Dortmund təmsilçisi 3 xallıq sistemdə ikinci dövrənin gedişində “ÇL zonası”ndan ən azı 10 xal geridə ola-ola, mövsümü ilk “4-lük”də tamamlamağı bacaran ikinci komandadı. Daha öncə bunu 2018/19-da “Bayer-04” bacarmışdı.

Frayburqdakı oyunda isə meydan sahibləri fanatlarını üzdü. “Ayntraxt” səfərdə 3:1 hesablı inamlı qələbə ilə 3-cü pilləni əldən vermədi. Bu nəticəni ədalətli saymaq olar. Çünki “qartallar” mövsümün böyük hissəsini “ÇL zonası”nda keçirmişdilər. Son 32 ildə ilk dəfə mövsümü ilk “4-lük”də tamamlayan “Ayntraxt” ikinci dəfə ÇL-də oynamaq hüququ qazandı. İlk dəfə komanda bu hüququ 2022-də Avropa Liqasının qalibi olmaqla əldə etmişdi.

Motivasiyasız “Bayer-04” “Maynts-05”lə səfər oyununda fasiləyə geridə yollansa da, ən azı uduzmamağı bacardı. Bu nəticə ilə leverkuzenlilər mühüm bir göstəriciyə imza atdılar. Belə ki, komanda bu turnirdə səfərdəki məğlubiyyətsiz seriyanı 34 oyuna çatdırmaqla (23 qələbə, 11 heç-heçə) “Bavariya”nın 2013-də müəyyənləşdirdiyi rekordu yenilədi. Göründüyü kimi Xabi Alonso gedərkən daha bir rekordun sahibi oldu. “Leyptsiq”i əminliklə mövsümün əsas fiaskosu adlandırmaq olar. “Öküzlər” ötən tur 2018-dən bəri ilk dəfə ÇL-ə vəsiqə qazana bilməmişdi. Sən demə, bu, son deyilmiş. Bu dəfə “Leyptsiq” evdə “Ştutqart”a da uduzdu. Bununla da komanda elitada oynamağa başladığı vaxtdan, yəni 2016-cı ildən bəri ilk dəfə avrokuboklara vəsiqə qazana bilmədi!

Motivasiyasız “Bavariya” son turda gözlənilmədən səfərdə “Hoffenhaym”ı darmadağın etdi. Halbuki “kəndçilər” bundesliqada qalmağı hələ tam rəsmiləşdirməmişdilər. Komanda 4 cavabsız qol buraxmaqla mövsümü -22 top fərqi ilə tamamladı. “Hoffenhaym”dan 3 xal geridə olan “Haydenhyaym”ın bu turdan öncə top fərqi -24-ə bərabər idi. Yəni komanda “Verder”i 3 top fərqi ilə yensəydi, pley-off zonasına məhz ”Hoffenhaym” geriləyəcəkdi. Amma “Haydenhaym” əksinə, özü darmadağın oldu. İndi bu komanda 2-ci bundesliqada 3-cü yeri tutan “Elversberq” ilə pley-off matçı keçirməli olacaq.

Sonuncu pillədəki “Bohum”un mövsümü qələbə ilə başa vurması diqqəti çəkdi. Mövsümün sonluğunu faciəvi keçirən Münhenqladbax “Borussiya”sı ilə “Auqsburq” son turda da zəif təsir bağışladı. Hər iki kollektiv evdə məğlub oldu.

34-cü tur
Hoffеnhaym – Bavariya 0:4
Olise, 33. Kimmix, 53. Qnabri, 80. Keyn, 86. (30150)
Bavariya: Noyer, Laymer (Boe, 67), Dayer (Vidoviç, 86), Stanişiç, Gerreyro (Qoretska, 67), Kimmix, Pavloviç, Olise, Qnabri, Koman (Sane, 61), Müller (Keyn, 61).

Maynts-05 – Bayеr-04 2:2
Nebel, 35. Burkardt, 63-p. – Şik, 49-p.; 54. (33000)
Bayer-04: Qradetski, Tella, Tapsoba, Ta, İnkapye, Qrimaldo (Artur, 25), Palasios, Qarsiya (Buendia, 87), Hofmann (Andrix, 46), Virts, Şik.

Borussiya D – Holştayn 3:0
Girassi, 3-p. Zabitser, 47. F.Nmeça, 72. (80000)
Borussiya: Kobel, Ryuyerson, Zyule (Əmrə Can, 79), Anton, Bensebayni, Svensson, Zabitser, F.Nmeça (Reyna, 79), Brandt (Gittens, 85), Adeyemi (Çukvuemeka, 71), Girassi (Dyuranvill, 85).

Lеyptsiq – Ştutqart 2:3
Simons, 8. Baku, 44 – Dəniz Undav, 23. Voltemade, 57. Demiroviç, 78. (47800)
Leyptsiq: Qulaçi, Qeertruyda, Zayvald, Bitşiabu, Raum, Kamlp, Vermeeren (Baumqartner, 77), Baku, Simons, Qomis (Poulsen, 67), Nusa (Openda, 77).

Frayburq – Ayntraxt F 1:3
Doan, 27 – Knauff, 45+4. Kristensen, 61. Skiri, 63. (34700)
Ayntraxt: Trapp, Kristensen, Kollins, Kox, Teate, Braun, Larsson, Skiri (Amenda, 83), Knauff (Vahi, 89), Çaibi (Höylunn, 66), Ekitike (Batşuayi, 89).

Borussiya M – Volfsburq 0:1
L.Nmeça, 50. (54042)

Haydenhaym – Verder 1:4
Kerber, 80 – Şmid, 14. Staqe, 33. Dukş, 66. Topp, 86. (15000)

Auqsburq – Union 1:2
Tits, 41 – İliç, 69; 90+4. (30660)

Sankt Pauli – Bohum 0:2
Boadu, 10; 66. (29546)

Yekun cədvəl
1. Bavariya 34 25 7 2 99-32 82
2. Bayer-04 34 19 12 3 72-43 69
3. Ayntraxt F 34 17 9 8 68-46 60
4. Borussiya D 34 17 6 11 71-51 57
5. Frayburq 34 16 7 11 49-53 55
6. Maynts-05 34 14 10 10 55-43 52
7. Leyptsiq 34 13 12 9 53-48 51
8. Verder 34 14 9 11 54-57 51
9. Ştutqart 34 14 8 12 64-53 50
10. Borussiya M 34 13 6 15 55-57 45
11. Volfsburq 34 11 10 13 56-54 43
12. Auqsburq 34 11 10 13 35-51 43
13. Union 34 10 10 14 35-51 40
14. Sankt Pauli 34 8 8 18 28-41 32
15. Hoffenhaym 34 7 11 16 46-68 32
16. Haydenhaym 34 8 5 21 37-64 29
17. Holştayn 34 6 7 21 49-80 25
18. Bohum 34 6 7 21 33-67 25

Bombardirlər: Keyn (Bavariya) – 26, Girassi (Borussiya D), Şik (Bayer-04) – 21, Burkardt (Maynst-05) – 18, Klayndinst (Borussiya M) – 16.

Turun rəqəmi
2 – Keynin bundesliqada ikinci mövsümü məhsuldarlıq baxımından birincidən geri qaldı. Ötən mövsüm o, budəfəkindən 10 qol artıq – 36 top vurmuşdu. Amma İngiltərə yığmasının kapitanı karyerasında ilk titulunu məhz bu mövsüm qazandı. O, daha bir göstərici ilə adını turnirin tarixinə yazdırdı. Belə ki, indiyə qədər bundesliqada ilk iki mövsümünün hər birində bombardir olmağı bacaran futbolçu olmamışdı!

Turun ulduzu
Maykl Olise (Bavariya) – fransalı vingerin Almaniyada ilk mövsümü çox uğurlu alındı. O, bütün mövsüm ərzində olduğu kimi, Zinshaymda da əla təsir bağışlayaraq qələbəyə 1 qol, 1 məhsuldar ötürməlik töhfə verdi. Olise bundesliqada mövsümü 12 qol, 15 məhsuldar ötürmə göstəricisi ilə tamamladı. O, son 20 ildə bundesliqada debüt mövsümündə həm qol sayı, həm də məhsuldar ötürmə baxımından 12-yə çatan ikinci futbolçu oldu. Daha öncə bunu 2006/07-də “Verder”in heyətində Dieqo (13 qol, 13 məhsuldar ötürmə) bacarmışdı.

Turun sitatı
Niko Kovaç, Dortmund “Borussiya”sının baş məşqçisi: