Bu tur bütün diqqətlər Leyptsiqə yönəlmişdi.

"Football-plus.az" xəbər verir ki, cəzalı Keynsiz oynamaq məcburiyyətində qalan “Bavariya” səfərdə “Leyptsiq”i yenəcəyi təqdirdə çempionluğu rəsmiləşdirəcəkdi. Amma dramatik matçda Münheün nəhəngi fanatlarını sevindirə bilmədi. İkinci hissənin ortalarına qədər iki top fərqi ilə geridə olan “rekordmayster” özündə güc taparaq vəziyyəti xeyrinə dəyişə bildi. Bununla belə, son saniyələrdə fərqlənən “Leyptsiq”in əfsanəsi Poulsen münhenlilərin çempionluğunu təxirə saldı.

Şənbə gününün digər matçları da maraqlı alındı. Münhenqladbaxda qapılara 8 qol vurulsa da, qalib müəyyənləşmədi. “Verder” “Union”la səfər oyununda 2 topluq üstünlüyü əldən verdisə, “Sankt Pauli” 9 nəfərlə qaldığı matçda evdə “Ştutqart”a minimal hesabla boyun əydi. Yüksəlişdə olan Dortmund “Borussiya”sı enişdə olan “Volfsburq”u 4 cavabsız qolla “kötəklədi”. Qələbəsiz seriyası 8 oyuna çatan “canavarlar” Ralf Hazenhyuttl ilə yolları ayırdılar. 57 yaşlı mütəxəssis ötən ilin martından bu vəzifəni icra edirdi. Komanda onun dönəmində keçirdiyi 44 oyundan 17 qələbə, 9 heç-heçə, 18 məğlubiyyətlə ayrılmış oldu. Son 6 turda hamıdan çox – 16 xal toplayan “Borussiya” isə “ÇL zonası” ilə xal fərqini 1-ə endirdi.

Bazar günü Almaniyanın diqqəti Frayburqa yönəlmişdi. Çünki “Bayer-04” bu şəhərdə qalib gələ bilməyəcəyi təqdirdə hətta riyazi cəhətdən də çempionluq şansını itirəcəkdi. Maraqlıdı ki, “Bavariya” kimi “Bayer-04” də oyunun gedişində iki top fərqi ilə geriyə düşdü. Leverkuzenlilər güc taparaq hər iki qolun əvəzini çıxsalar da, qələbə topunu vurmağa vaxt qalmadı.

Beləliklə, “Bavariya” tarixində 34-cü, son 13 ildə isə 12-ci çempionluğunu qazandı! Maraq üçün bildirək ki, “Bavariya”nın bu göstəricidə ən yaxın izləyicilərindən olan “Nürnberq”in 9, Dortmund “Borussiya”sının 8 çempionluğu var! Nəhayət, Keynin lənətinə də son qoyuldu. İngiltərə yığmasının ünlü kapitanı 31 yaşında peşəkar karyerasının ilk tituluna sahib çıxdı. Yayda Münhenlə vidalaşmağa hazırlaşan Tomas Müller karyerasında 34-cü titulunu qazandı. O, ən titullu almaniyalı futbolçuların siyahısında lider olan Toni Kroosa çatdı.

Bundan başqa, Müller “böyük beşlik”də çempionluq sayında (13) lider olan sabiq “Mançester Yunayted”li futbolçu Rayan Giqqzin də rekordunu təkrarladı. 2024-cü ili 3 titulla bitirən “Bayer-04” isə 2025-də titula həsrət qaldı.

32-ci tur
Lеyptsiq – Bavariya 3:3
Şeşko, 11. Klostermann, 39. Poulsen, 90+4 – Dayer, 62. Olise, 63. Sane, 83. (47800)
Leyptsiq: Vandevoordt, Nedelkoviç (Qeertruyda, 86), Klostermann, Lukeba, Raum, Zayvald, Aydara (Vermeeren, 69), Kampl (Baku, 78), Simons, Openda (Nusa, 86), Şeşko (Poulsen, 69).
Bavariya: Urbiq, Boe (Qoretska, 61), Dayer, Stanişiç, Laymer, Kimmix, Pavloviç, Olise, Sane, Qnabri (Palyinya, 88), Müller (Koman, 61).

Frayburq – Bayеr-04 2:2
Eqqeştayn, 44. İnkapye, 48-öz qapısına – Virts, 82. Ta, 90+3. (34700)
Bayer-04: Kovarj, Frimponq (Tella, 76), Tapsoba (Artur, 57), Ta, İnkapye, Qrimaldo, Caka, Qarsiya (Palasios, 57), Virts, Buendia (Adli, 58), Şik.
Borussiya D – Volfsburq 4:0
Girassi, 3; 59. Adeyemi, 69; 73. (81365)
Borussiya: Kobel, Ryuyerson, Zyule, Anton, Bensebayni, Svensson, Nmeça (Əmrə Can, 76), Qross (Zabitser, 82), Brandt (Dyuranvill, 76), Gittens (Adeyemi, 67), Girassi (Çukvuemeka, 82).

Maynts-05 – Ayntraxt F 1:1
Burkardt, 57 – Kristensen, 16. (33000)
Ayntraxt: Trapp, Kristensen, Tuta, Kox, Teate, Braun (Nkunku, 85), Larsson, Skiri, Knauff (Can Uzun, 74), Bahoya (Çaibi, 74), Ekitike (Batşuayi, 90+3).

Borussiya M – Hoffеnhaym 4:4
Kyarodia, 5. Rayts, 32. Onora, 64. Klayndinst, 90+1 – Çaves, 43. Bülter, 54. Hlojek, 73. Tabakoviç, 81. (52382)

Auqsburq – Holştayn 1:3
Munye, 90 – Matino, 25-p. Bernardsson, 40; 51. (28660)

Union – Verder 2:2
Rote, 33. Beneş, 84 – Staqe, 2; 15. (22012)

Sankt Pauli – Ştutqart 0:1
Voltemade, 88. (29526)

Haydenhaym – Bohum 0:0
(15000)

1. Bavariya 32 23 7 2 93-32 76
2. Bayer-04 32 19 11 2 68-37 68
3. Ayntraxt F 32 16 8 8 63-43 56
4. Frayburq 32 15 7 10 46-49 52
5. Borussiya D 32 15 6 11 64-49 51
6. Leyptsiq 32 13 11 8 51-45 50
7. Maynts-05 32 13 9 10 49-40 48
8. Verder 32 13 8 11 50-56 47
9. Borussiya M 32 13 6 13 55-54 45
10. Ştutqart 32 12 8 12 57-51 44
11. Auqsburq 32 11 10 11 34-45 43
12. Volfsburq 32 10 9 13 53-52 39
13. Union 32 9 10 13 33-47 37
14. Sankt Pauli 32 8 7 17 26-37 31
15. Hoffenhyaym 32 7 10 15 44-62 31
16. Haydenhaym 32 7 5 20 33-60 26
17. Holştayn 32 6 7 19 48-75 25
18. Bohum 32 5 7 20 30-63 22

Bombardirlər: Keyn (Bavariya) – 24, Şik (Bayer-04), Girassi (Borussiya D) – 19, Burkardt (Maynst-05), Klayndinst (Borussiya M) – 16.

Turun rəqəmi
33 – “Bayer-04” bir tərəfdən “gümüş cam”ı rəsmən “Bavariya”ya təhvil verməli oldusa, digər tərəfdən məhz münhenlilərə məxsis rekordu təkrarladı. “Aspirinlər”in bundesliqada səfərdə məğlubiyyətsiz seriyası 33 oyuna çatdı (23 qələbə, 10 heç-heçə). “Bavariya” bu göstəriciyə 2012-14-cü illərdə nail olmuşdu. Yəni son turda “Maynts-05”lə səfər matçında leverkuzenlilər turnirin yeni rekordunu müəyyənləşdirə bilər. Gələn mövsümün ilk 6 səfər oyununda da uduzmayacağı təqdirdə isə “Bayer-04” hətta “böyük beşliy”in də rekordunu yeniləyə biləcək. Çünki bu rekordu əlində saxlayan PSJ-nin səfərdə 39 oyunluq məğlubiyyətsiz seriyası bu həftə başa çatdı.

Turun ulduzu
Seru Girassi (Borussiya D) – Dortmundda ilk mövsümünü keçirən fransızəsilli qvineyalı forvard əla məhsuldarlıq nümayiş etdirməkdə və komandası üçün vacib qollar vurmaqdadı. Bu tur dubl etməklə o, “arılar”ın heyətində mövsümdə 43-cü rəsmi oyunda vurduğu qolların sayını 32-yə çatdırdı. 29 yaşlı hücumçu bunlardan 19-nu bundesliqada vurub. O ötən mövsüm “Ştutqart”ın heyətində də bundesliqada 28 qol vurmişdu. Bununla da Girassi bu turnirin tarixində ardıcıl iki mövsümdə iki fərqli klubun heyətində ən azı 19 qol vuran ikinci futbolçuya çevrildi! Daha öncə bunu bunu yalnız əfsanəvi Fridhelm Konitsa bacarmışdı (1964/65-də Dortmund “Borussiya”sı ilə 22 qol, 1965/66-da “Münhen 1860”la 26 qol).

Turun sitatı
Xabi Alonso, “Bayer-04”ün baş məşqçisi: