Tur cümə günü “Volfsburq”la “Hoffenhaym”ın məhsuldar heç-heçəsi ilə start götürdü.

“Canavarlar”a məşqçi dəyişikliyinin də faydası dəymədi və komandanın bundesliqada qələbəsiz seriyası 9 oyuna yüksəldi.

Şənbə gününün ilk oyunları meydan sahibləri üçün çox uğursuz alındı. “Leyptsiq”lə qolsuz bərabərə qalan “Verder” evdə uduzmayan yeganə komanda oldu. Yeri gəlmişkən, bu xal itkisi ilə “Leyptsiq” ilk “4-lüy”ə düşmək şansını itirdi. Bu da o deməkdi ki, “öküzlər” 2018/19-dan bəri ilk dəfə ÇL-dən kənar qaldılar! Evdə uduzan “Bohum” və “Holştayn” belə desək, əl-ələ verərək aşağı liqaya yollandılar. Hər iki klub son tur ərəfəsində elitada qalmaq şansını itirdi.

“Holştayn” bundesliqada tarixinin ilk mövsümünü keçirirdisə, “Bohum” 2021-dən bu turnirdə çıxış edirdi. “Haydenhaym” isə Berlində “Union”u darmadağın edərək ən azı 16-cı pilləni, yəni pley-offu təmin etdi. Çempionluğu ötən tur rəsmiləşdirən “Bavariya” bayram ab-havasında keçən matçda Münhenqladbax “Borussiya”sını qəbul etdi. Düzdü, münhenqladbaxlılar tarixən “Bavariya” üçün ən uğursuz rəqib sayılır. Ancaq enişdə olan və son 5 turda qələbəyə həsrət qalan bu komanda “Alyants Arena”dakı bayram əhval-ruhiyyəsini korlaya bilmədi. Hər hissədə bir qol vuran “rekordmaytser” asan qələbə qazandı.

Final fitindən sonra adəti üzrə “pivə hamamı” başladı və çempiona gümüş cam təqdim olundu. Nəhayət, Keyni də ilk dəfə kubok qaldırarkən gördük...

Yeri gəlmişkən, sona bir tur qalmış hesabında 79 xal olan Münhen nəhəngi son 5 ilin ən yaxşı mövsümünü keçirir. Sonuncu dəfə komanda bundan daha çox (82) xalı 2019/20-də toplayıb.

Bazar gününün qarşılaşmaları məhsuldar alındı. Turun mərkəzi oyununda Dortmund “Borussiya”sı Leverkuzaendə “Bayer-04”ü “kötəklədi” və yüksəlişini davam etdirdi. Bunu gözləmək olardı. Çünki “Bayer-04” meydana faktiki motivasiyasız çıxmışdısa, “arılar” ÇL-ə vəsiqə üçün can qoydular. “Borussiya” ardıcıl 4-cü, son 7 turda 6-cı qələbə sayəsində işinin böyük hissəsinin öhdəsindən gəlmiş oldu. “Ayntraxt” isə bu tur evdə “Sankt Pauli”ni məğlub edə bilməməklə əksinə, işini çətinə salmış oldu. Son tur ərəfəsində “Borussiya” 4-cü pillədəki “Frayburq”dan 1, 3-cü pillədəki “Ayntraxt”dan 3 xal geridədi.

İlk baxışdan komandanın taleyi öz əlində deyil. Amma heç də belə deyil. Çünki son turda “Frayburq”la “Ayntraxt” bir-biri ilə qarşılaşacaq. Yəni “Borussiya” artıq elita ilə vidalaşan “Holştayn”ı evdə ən azı 2 top fərqi ilə məğlub edəcəyi təqdirdə Frayburqdakı oyunun nəticəsindən asılı olmayaraq ÇL-ə vəsiqə qazanacaq!

33-cü tur
Bavariya – Borussiya M 2:0
Keyn, 31. Olise, 90. (75000)
Bavariya: Noyer, Laymer, Dayer, Stanişiç (Sane, 62), Gerreyro (Palyinya, 83), Kimmix, Qoretska, Olise, Müller (Qnabri, 84), Koman (Pavloviç, 63), Keyn (Vidoviç, 90+3).

Bayеr-04 – Borussiya D 2:4
Frimponq, 30. Hofmann, 90+2 – Brandt, 33. Ryuyerson, 43. Adeyemi, 73. Girassi, 77. (30210)
Bayer-04: Qradetski, Frimponq, Tapsoba, Ta, İnkapye (Artur, 78), Qrimaldo, Caka (Qarsiya, 78), Andrix (Palasios, 67), Adli (Şik, 59), Virts, Tella (Hofmann, 59).
Borussiya: Kobel, Ryuyerson (Kouto, 87), Zyule, Anton, Bensebayni, Svensson, Nmeça (Zabitser, 46), Qross (Salih Özcan, 82), Brandt (Gittens, 87), Adeyemi (Əmrə Can, 74), Girassi.

Verder – Lеyptsiq 0:0
(42000)
Leyptsiq: Qulaçi, Nedelkoviç, Klostermann, Bitşiabu, Lukeba, Baumqartner (Baku, 79), Zayvald, Vermeeren (Qomis, 87), Simons, Openda (Poulsen, 69), Şeşko (Nusa, 69).

Ayntraxt F – Sankt Pauli 2:2
Kristensen, 1. Batşuayi, 71 – Saliakas, 4. Gilavogi, 15. (58000)
Ayntraxt: Trapp, Kristensen, Tuta (Can Uzun, 61), Kox, Teate, Braun, Larsson, Skiri (Çaibi, 69), Knauff (Kollins, 79), Bahoya (Batşuayi, 46), Ekitike.

Holştayn – Frayburq 1:2
Rozenboom, 24 – Manzambi, 45+2. Höler, 58. (15034)

Bohum – Maynts-05 1:4
Holtmann, 84 – Əmiri, 45+3. Mvene, 53. Burkardt, 73. Nebel, 90+3. (26000)

Volfsburq – Hoffеnhaym 2:2
Esteqor, 1-öz qapısına. Vind, 81 – Kaderjabek, 34. Bülter, 84. (20145)

Ştutqart – Auqsburq 4:0
Atakan Karazor, 8. Voltemade, 51. Miyo, 80. Demiroviç, 87. (59000)

Union – Haydenhaym 0:3
Bek, 12; 73. Şöppner, 56. (22012)

1. Bavariya 33 24 7 2 95-32 79
2. Bayer-04 33 19 11 3 70-41 68
3. Ayntraxt F 33 16 9 8 65-45 57
4. Frayburq 33 16 7 10 48-50 55
5. Borussiya D 33 16 6 11 68-51 54
6. Maynts-05 33 14 9 10 53-41 51
7. Leyptsiq 33 13 12 8 51-45 51
8. Verder 33 13 9 11 50-56 48
9. Ştutqart 33 13 8 12 61-51 47
10. Borussiya M 33 13 6 14 55-56 45
11. Auqsburq 33 11 10 12 34-49 43
12. Volfsburq 33 10 10 13 55-54 40
13. Union 33 9 10 14 33-50 37
14. Sankt Pauli 33 8 8 17 28-39 32
15. Hoffenhyaym 33 7 11 15 46-64 32
16. Haydenhaym 33 8 5 20 36-60 29
17. Holştayn 33 6 7 20 49-77 25
18. Bohum 33 5 7 21 31-67 22

Bombardirlər: Keyn (Bavariya) – 25, Girassi (Borussiya D) – 20, Şik (Bayer-04) – 19, Burkardt (Maynst-05) – 17, Klayndinst (Borussiya M) – 16.
Sonuncu turun oyunları mayın 17-də keçiriləcək: Borussiya M – Volfsburq, Auqsburq – Union, Sankt Pauli – Bohum, Borussiya D – Holştayn, Frayburq – Ayntraxt F, Haydenhaym – Verder, Hoffеnhaym – Bavariya, Maynts-05 – Bayеr-04, Lеyptsiq – Ştutqart.

Turun rəqəmi
100 – Seru Girassi bundesliqada yubiley – 100-cü oyununu keçirdi və 63-cü qolunu vurdu. Qvineyalı forvard bu oyunlardan 21-ni “Köln”ün, 50-ni “Ştutqart”ın, 29-nu “Borussiya”nın heyətində keçirib. O, bu 100 oyunda 63 dəfə fərqlənib ki, bu da legionerlər arasında turnirin tarixinin ən yaxşı ikinci göstəricisidi. Yalnız niderlandlı Roy Makaay bundesliqada ilk 100 oyunda Girassidən daha çox (64) qol vurub. İndi bu rəqəmləri bundesliqada 62 oyuna 61 qol vuran Keynin göstəricisi ilə müqayisə edin...

Turun ulduzu
Adrian Bek (Haydenhaym) – 27 yaşlı yarımmüdafiəçi bu tur dubl edən yeganə futbolçu oldu. Onun qolları sayəsində qalib gələn debütant “Haydenhaym” ən azı birbaşa elitanı tərk edən klublar arasına düşmədi. Bu kollektiv ən pis halda mövsümü 16-cı pillədə tamamlayaraq elitada qalmaq uğrunda pley-off oyununda iştirak edəcək. Son turda möcüzə baş versə, “Haydenhaym” hətta mövsümü 15-ci pillədə də bitirə bilər. Maraqlıdı ki, Bek buna qədər cari mövsümdə cəmi 2 dəfə fərqlənmişdi. Son qolunu isə o, yanvarda “Union”a vurmuşdu.

Turun sitatı
Tomas Müller, “Bavariya”nın forvardı (“Alyans Arena”da fanatlarla sağollaşmaq üçün mikrofonu əlinə alaraq bunları deyir):