Niderland çempionatında mövsüm sona çatmasa da, artıq bir önəmli keçid reallaşıb. “Tvente” və “Feyenoord” arasında aparılan danışıqlar müsbət nəticələnib.

Beləliklə, “Tvente”nin və erediviziyanın bombardiri Sem Steyn “Feyenoord”a satılıb. Rotterdam klubu yayda rəsmiləşəcək keçidə görə 10 milyon avro xərcə düşəcək.

Qeyd edək ki, Steyn hazırda Niderland çempionatında 24 qolla bombardirlərin siyahısına başçılıq edir. 23 yaşlı hücumameyilli yarımmüdafiəçi bu mövsüm bütün turnirlərdə meydana çıxdığı 42 matçda 27 qolun və 6 məhsuldar ötürmənin müəllifi olub.