Neymar klubu ilə müqaviləsini tezliklə yeniləyəcək.

O, “Santos” ilə müqaviləsinin müddətini uzatmağa yaxındı. “TNT Brazil”in məlumatına görə, ulduz futbolçu artıq doğma klubu ilə yeni müqavilənin detalları barədə razılaşıb. Tərəflər arasında imzalanacaq yeni müqavilə 2026-cı ilin yayına qədər qüvvədə olacaq.

Neymar 2009-13-cü illərdə də formasını geydiyi “Santos”a bu ilin yanvarında qayıdıb. 33 yaşlı braziliyalı hücumçu bu il “Santos”un heyətində 9 oyun keçirib, 3 qol vurub və 3 məhsuldar ötürmə edib. Neymarın ümumilikdə “Santos”un heyətində 234 oyuna çıxıb, 139 qol və 69 məhsuldar ötürmə edib.