“Real” yarımmüdafiə xəttini gücləndirməyi planlaşdırır.

“Sport” qəzetinin yaydığı məlumata görə, Madrid klubu “Mançester Siti”nin futbolçusu Rodrini transfer etmək istəyir. Lakin İngiltərə klubunun rəhbərliyi Avropa çempionu olan futbolçunu satmaq fikrində deyil və ona 130 milyon avro qiymət qoyub.
“Real” Ticani Reynders (Milan), Adam Uorton (Kristal Pelas), Franko Mastantuono (River Pleyt), Aleksis Makallister (Liverpul) və Entso Fernandesi (Çelsi) də izləyir.

Bu baxımdan ən real transfer variantının 50 milyon avro dəyərində qiymətləndirilən Reynders olduğu da qeyd edilir. “Milan” mövsümün sonunda avrokuboklara vəsiqə qazana bilməsə, Ticaninin “Real”a keçmək şansı daha da artacaq.