Kərəm Aktürkoğlunun qardaşı ''Qalatasaray'' fanatlarının cavabını verdi
Bu mövsüm 47 rəsmi oyunda aktivinə 16 qol, 12 məhsuldar ötürmə yazan və ''Benfika''da karyerasını uğurla davam etdirən Kərəm Aktürkoğlu ''Qalatasaray'' fanatlarının tənqid obyektinə çevrilib.
Məsələ burasındadı ki, bu futbolçu sabiq klubunu Türkiyə kubokunun qazanılması münasibətilə təbrik etməyib. Kərəm son olaraq sosial şəbəkədə Türkiyə Futbol Federasiyasının aşağı liqalara yaş limiti tətbiq etməsi qərarını tənqid edən bir paylaşım edib. Amma ''Qalatasaray''la bağlı heç bir paylaşım etməyib və bu da fanatların xoşuna gəlməyib. Kərəmin tərəfini onun qardaşı Səlim Aktürkoğlu tutmalı olub. O, paylaşımında fanatlara iradlarını bu sözlərlə bildirib:
''Biz Kərəmi qorumaq üçün ailəlikcə polemikalardan mümkün qədər uzaq olmağa çalışırıq. Amma onunla bağlı son paylaşımları heyrət içində izlədik. Kərəm indiki klubuna və ordakı fanatlara duyduğu məsuliyyət hissi ilə yanaşı həm də çox yaxşı ''Qalatasaray''lıdı. Qəlbi hər zaman sabiq komanda yoldaşları ilə birlikdə döyünür. Elə kubokun finalının ardından da uzaqlarda olmasına baxmayaraq zəng vuraraq sevincini onlarla paylaşdı. ''Qalatasaray'' üçün tər axıtmış, üstəlik kapitan sarğısını daşımış bir futbolçunun ''Qalatasaray''lılığına heç kim şübhə ilə yanaşa bilməz. İstəsəz də, istəməsəz də, işinizə gəlsə də, gəlməsə də, Kərəm çox düzgün ''Qalatasaray''lıdı''.
Digər xəbərlər
