Mayın 7-9-u aralığında Libertadores Kubokunun (LK) qrup mərhələsinin 4-cü turu keçirildi. Artıq 1/8 finalın ilk iki iştirakçısı məlumdu.

"Football-plus.az" xəbər verir ki, KL-in sonuncu qalibi qeyri-sabit çıxışını davam etdirir.

Yeni mövsümə “Universidad de Çili”yə məğlubiyyətlə (0:1) başlayan “Botafoqo” ilk xallarını evdə “Karabobo”ya 2:0 hesabıyla qalib gəlməklə qazanmışdı. Son çempion rəqib meydanında növbəti dəfə məğlubiyyətini (0:1) “Estudiantes”dən alan rio de janeyrolular hesabat turunda “Karabobo”ya Venesuelada 2:1 hesabıyla qalib gəldi. Buna baxmayaraq, Braziliya klubu A qrupunda 6 xalla 3-cü yerdə qaldı. Bu qrupda “Estudiantes” 9 xalla liderdi, “Universidad de Çili” isə 7 xalla 2-ci yeri tutur.

Qeyd etdiyimiz kimi, artıq iki iştirakçı pey-offa vəsiqə qazanıb. D qrupunda “Alyansa Lima”nı Peruda iki cavabsız qolla məğlub edən “San Paulu” azarkeşlərini ikiqat sevindirdi. Braziliya klubu son iki turun nəticəsindən asılı olmayaraq, qrupu ən pis halda 2-ci yerdə başa vuracaq. Azarkeşlərini ardıcıl qələbələrlə sevindirən yeganə komanda isə G qrupunda yarışan “Palmeyras”dı. Braziliya nəhəngi bu mövsüm də LK-nın favoritləri sırasında olduğunu “Serro Portenyo”nu Paraqvayda 2:0 hesabıyla məğlub etməklə göstərdi. Abel Ferreyranın komandası artıq qrup liderliyini də təmin edib.

4-cü tur ərəfəsində xalı olmayan komandaların sayı 2-yə bərabər idi. Son oyunlardan sonra xal qazana bilməyənlərin sayı birə düşdü. “Talyeres de Kordoba” Argentinada “Libertad” ilə qolsuz heç-heçəyə nail olmaqla D qrupunda ilk xalını qazandı. İndi yalnız C qrupunda yarışan “Deportivo Taçira” (Venesuela) bütün oyunlarında məğlub olub.

qrup mərhələsi, 4-cü tur
A qrupu
Universidad de Çili (Çili) - Estudiantes (Argentina) 0:3
T.Palasios, 22. Askasibar, 31. Karrilyo, 39.

Karabobo (Venesuela) - Botafoqo RJ (Braziliya) 1:2
Aponte, 76 - Vitinyo, 22. Kuyabano, 90+1.

1. Estudiantes 4 3 0 1 7-2 9
2. Universidad de Çili 4 2 1 1 4-5 7
3. Botafoqo RJ 4 2 0 2 4-3 6
4. Karabobo 4 0 1 3 2-7 1

B qrupu
Barselona (Ekvador) - River Pleyt (Argentina) 2:3
Rivero, 15. Martines Kuarta, 49-öz qapısına - Driussi, 7. Kolidio, 26. Mastantuono, 48.

Universitario (Peru) - İndependyente del Valye (Ekvador) 1:1
Karabali, 34 - Spinelli, 28.

1. River Pleyt 4 2 2 0 6-4 8
2. İndependyente del Valye 4 1 2 1 4-4 5
3. Barselona 4 1 1 2 3-4 4
4. Universitario 4 1 1 2 2-3 4

C qrupu
Deportivo Taçira (Venesuela) - LDU Kito (Ekvador) 2:3
N.Ernandes, 67. Kastilyo, 90+5 – Alsuqaray, 16. Arse, 19; 54.

Sentral Kordoba (Argentina) - Flamenqo (Braziliya) 1:1
Veron, 61 – De Arraskaeta, 10.

1. LDU Kito 4 2 2 0 5-2 8
2. Sentral Kordoba 4 2 2 0 5-3 8
3. Flamenqo 4 1 2 1 3-3 5
4. Deportivo Taçira 4 0 0 4 3-8 0

D qrupu
Alyansa Lima (Peru) - San Paulu (Braziliya) 0:2
Andre Silva, 35; 89.

Talyeres de Kordoba (Argentina) - Libertad (Paraqvay) 0:0

1. San Paulu 4 3 1 0 7-2 10
2. Libertad 4 2 1 1 3-2 7
3. Alyansa Lima 4 1 1 2 5-7 4
4. Talyeres de Kordoba 4 0 1 3 2-6 1

E qrupu
Atletiko Bukaramanqa (Kolumbiya) - Rasinq (Argentina) 0:4
A.Martines, 4. Solari, 56. Sosa, 69. Barrios, 90+4.

Fortaleza (Braziliya) - Kolo Kolo 4:0
Bruno Lopes, 25. Marinyo, 30. Deyverson, 39. Lusero, 85.

1. Rasinq 4 2 1 1 9-3 7
2. Fortaleza 4 2 1 1 8-4 7
3. Atletiko Bukaramanqa 4 1 2 1 6-9 5
4. Kolo Kolo 4 0 2 2 4-11 2

F qrupu
Bayya (Braziliya) - Nasyonal (Uruqvay) 1:3
Jean Lukas, 47 – Morales, 57. Nikolas Lopes, 69. Milyan, 86.

Atletiko Nasyonal (Kolumbiya) - İnternasyonal (Braziliya) 3:1
Viveros, 39; 90+3. Arse, 55 - Alan Patrik, 80-p.

1. Bayya 4 2 1 1 4-4 7
2. Atletiko Nasyonal 4 2 0 2 6-5 6
3. İnternasyonal 4 1 2 1 8-7 5
4. Nasyonal 4 1 1 2 6-8 4

G qrupu
Serro Portenyo (Paraqvay) - Palmeyras (Braziliya) 0:2
Estevao, 41. Vitor Roke, 90+4.

Sportinq Kristal (Peru) - Bolivar (Boliviya) 2:1
Kauteruçço, 5; 48 Vaka, 73.

1. Palmeyras 4 4 0 0 9-4 12
2. Serro Portenyo 4 1 1 2 6-7 4
3. Sportinq Kristal 4 1 1 2 6-9 4
4. Bolivar 4 1 0 3 8-9 3

H qrupu
Veles Sarsfild (Argentina) - Olimpiya (Paraqvay) 1:1
Karriso, 33 – U.Fernandes, 90+2.

San Antonio de Bulo Bulo (Boliviya) - Penyarol (Uruqvay) 0:3
Silvera, 75; 90+5. L.Ernandes, 90+5.

1. Veles Sarsfild 4 2 1 1 8-4 7
2. Penyarol 4 2 1 1 6-2 7
3. San Antonio de Bulo Bulo 4 2 0 2 5-8 6
4. Olimpiya 4 0 2 2 3-8 2

Bombardirlər: Alan Patrik (İnternasyonal), Vaka (Bolivar) - 5, Arse (LDU Kito) - 4.