İyunun 29-31-i aralığında Libertadores Kubokunun (LK) qrup mərhələsinin 6-cı turunun oyunları keçirildi.

“Football-plus.az” xəbər verir ki, artıq Cənubi Amerikanın ən nüfuzlu klub turnirinin 1/8 finalının 16 iştirakçısından 15-i məlumdu. Başqa sözlə, sonuncu turda 4 vəsiqənin sahibi müəyyənləşdi.

Hesabat turu ərəfəsində pley-offa ayrılan vəsiqələrdən 11-nin sahibi məlum idi: A qrupunda yarışan turnirin son qalibi “Fluminense”, B qrupunda “Talyeres de Kordoba” və “San Paulu”, C qrupunda “Stronqest”, D qrupunda “Xunior” və “Botafoqo” (RJ), E qrupunda “Bolivar”, F qrupunda “Palmeyras”, G qrupunda “Atletiko Mineyro” və H qrupunda “River Pleyt” ilə “Nasyonal” sonuncu turun nəticələrindən asılı olmayaraq, ən güclü 16 iştirakçı sırasında yerini təmin etmişdilər.

Bu mövsüm qrupu maksimum nəticə ilə başa vuran komanda olmadı. 6-cı turda qeydə alınan nəticələrdən sonra daha 4 komanda pley-offda iştirakını təmin etdi. A qrupunda “Serro Portenyo”nu şəxsi oyunların ümumi nəticəsinə əsasən 2:1 hesabı ilə qabaqlayan “Kolo Kolo”, E qrupunda “Flamenqo”, F qrupunda “San Lorenso” və G qrupunda isə “Penyarol” azarkeşlərini son turda sevindirdilər. Beləliklə, yalnız C qrupunda “Stronqest”dən sonra 1/8 finala ikinci vəsiqənin sahibi məlum deyil. Qeyd edək ki, bu qrupda “Qremio”nun iştirakı ilə nəzərdə tutulan iki oyun Braziliyadakı daşqın və sel fəlakəti səbəbindən təxirə salınıb. Pley-offun son iştirakçısı ilə 3-cü yerin sahibi məhz bu oyunların nəticələrindən sonra müəyyənləşəcək.

Reqlamentə əsasən, qruplarda 3-cü yeri tutan 7 komanda - “Serro Portenyo”, “Barselona”, “LDU Kito”, “Palestino”, “İndependyente del Valye”, “Rosario Sentral” və “Libertad” mübarizəni Sudamerikana Kubokunun 1/8 finalında davam etdirəcək.

qrup mərhələsi, 6-cı tur
A qrupu
Fluminense (Braziliya) - Alyansa Lima (Peru) 3:2
Keno, 47. Marselo, 52. Con Kennedi, 81 – Arrequy, 7. Serna, 50.
Serro Portenyo (Paraqvay) - Kolo Kolo (Çili) 1:1
Karriso, 35 – K.Palasios, 23-p.

1. Fluminense 6 4 2 0 9-5 14
2. Kolo Kolo 6 1 3 2 4-5 6
3. Serro Portenyo 6 1 3 2 4-5 6
4. Alyansa Lima 6 0 4 2 5-7 4

B qrupu
San Paulu (Braziliya) - Talyeres de Kordoba (Argentina) 2:0
Lukas Moura, 45+4-p. Lusiano, 90.
Barselona (Ekvador) - Kobresal (Çili) 2:1
Fidrişevski, 9. D.Dias, 18 – Koelyo, 71.

1. San Paulu 6 4 1 1 10-3 13
2. Talyeres de Kordoba 6 4 1 1 10-6 13
3. Barselona 6 1 3 2 6-9 6
4. Kobresal 6 0 1 5 3-11 1

C qrupu
Qremio (Braziliya) - Stronqest (Boliviya) 4:0
Soteldo, 14. Joao Pedro, 50. Everton Qaldino, 67. Qustavo Nunes, 89.
Estudiantes (Argentina) - Uaçipato (Çili) 3:4
X.Korrea, 12; 49. Askasibar, 63 – M.Rodriges, 37. S.Romero, 45+1-öz qapısına. M.Qutyerres, 51. Vilyanueva, 90+5.

1. Stronqest 6 3 1 2 8-6 10
2. Uaçipato 5 2 2 1 7-8 8
3. Qremio 4 2 0 2 5-4 6
4. Estudiantes 5 1 1 3 6-8 4

D qrupu
Xunior (Kolumbiya) - Botafoqo (Rio de Janeyro, Braziliya) 0:0
LDU Kito (Ekvador) - Universitario (Peru) 2:0
Arse, 44. Alsuqaray, 67.

1. Xunior 6 2 4 0 7-4 10
2. Botafoqo RJ 6 3 1 2 7-6 10
3. LDU Kito 6 2 1 3 6-6 7
4. Universitario 6 1 2 3 5-9 5

E qrupu
Bolivar (Boliviya) - Palestino (Çili) 3:1
Bisama, 35-öz qapısına. A.Martines, 46-öz qapısına. Fransisko da Kosta, 87 – Çamorro, 68.
Flamenqo (Braziliya) - Milyonarios (Kolumbiya) 3:0
Pedro, 7; 44. X.Varqas, 35-öz qapısına.

1. Bolivar 6 4 1 1 13-9 13
2. Flamenqo 6 3 1 2 11-4 10
3. Palestino 6 2 1 3 6-11 7
4. Milyonarios 6 0 3 3 6-12 3

F qrupu
Palmeyras (Braziliya) – San Lorenso (Argentina) 0:0
İndependyente del Valye (Ekvador) - Liverpul (Uruqvay) 2:1
L.Dias, 20; 55 – A.Qonsales, 35.

1. Palmeyras 6 4 2 0 14-5 14
2. San Lorenso 6 2 2 2 6-6 8
3. İndependyente del Valye 6 2 1 3 8-9 7
4. Liverpul 6 1 1 4 6-14 4

G qrupu
Atletiko Mineyro (Braziliya) - Karakas (Venesuela) 4:0
Pedrinyo, 28; 61. Alisson, 40. Halk, 90+3.
Penyarol (Uruqvay) - Rosario Sentral (Argentina) 2:1
L.Fernandes, 32; 83 - Modika, 66.

1. Atletiko Mineyro 6 5 0 1 14-6 15
2. Penyarol 6 4 0 2 12-5 12
3. Rosario Sentral 6 2 1 3 8-7 7
4. Karakas 6 0 1 5 3-19 1

H qrupu
River Pleyt (Argentina) – Deportivo Taçira (Venesuela) 2:0
Borxa, 51; 85.
Libertad (Paraqvay) - Nasyonal (Uruqvay) 2:1
Kardoso, 29. A.Silva, 41 – F.Romero, 13.

1. River Pleyt 6 5 1 0 12-3 16
2. Nasyonal 6 3 1 2 8-7 10
3. Libertad 6 2 1 3 7-8 7
4. Deportivo Taçira 6 0 1 5 2-11 1
Bombardirlər: Pedro (Flamenqo), Borxa (River Pleyt), Fransisko da Kosta (Bolivar), Paulinyo (Atletiko Mineyro), Silvera (Penyarol) - 5, Modika (Rosario Sentral) - 4.