Tur cümə günü enişdə olan iki komandanın - “Şalke-04” ilə “Volfsburq”un qolsuz dueli ilə start götürdü. Hezlenkirhenlilərdə qələbəsiz seriya 6, “canavarlar”da isə 3 oyuna çatdı.

“Bavariya” heç-heçə sindorumndan sonra artıq tamamilə özünə gəlib. “Bohum”u asanlıqla yenməklə komandanın rəsmi oyunlarda qələbə seriyası 3, məğlubiyyətsiz seriyası 19 oyuna (15 qələbə, 4 heç-heçə) yüksəldi. Amma bu qələbə Münhen nəhənginə rəqiblərdən uzaqlaşmağa kömək etmədi. Çünki əsas izləyicilər də turu qələbəylə başa vurdular. “Verder”in qonağı olan Dortmund “Borussiya”sı həm qələbə seriyasını davam etdirmək, həm də bu rəqibdən qisas almaq niyyətində idi. Axı bu komandaların ilk dövrədə Dortmunddakı matçında 89-cu dəqiqəyə qədər 0:2 hesabı ilə uduzan “Verder” ağlasığmaz bir geridönüş edərək qalib gəlmişdi. Bu dəfə “musiqiçilər” nəinki 3, heç 1 qol da vura bilmədilər. Edin Terziçin ağıllı əvəz etməsi yenə işə yaradı. 18 yaşlı ingiltərəli vinger Bayno-Gittens meydana daxil olduqdan cəmi 1 dəqiqə sonra qələbə qolunu vurdu. “Borussiya” bu mövsüm sonradan meydana çıxan oyunçuları ən çox (10) qol vuran komandadı!

Terziçin kollektivinin 2023-dəki statistikası göz oxşayır: 6 rəsmi oyun, 6 qələbə! Amma eynilə bu cür göstəricilərlə daha bir komanda – “Union” da öyünə bilər. Turun mərkəzi oyununda “Leyptsiq” səfərinə yollanan paytaxt təmsilçisi heç də favorit sayılmırdı. Üstəlik sentyabrın ortalarından bu yana heç kimə uduzmayan “öküzlər” fasiləyə öndə yollandılar. Amma “Union” fasilədən sonra 2 qol vurub əzmkar qələbə qazanmaqla növbəti dəfə bu mövsümün əsas sürprizi olduğunu göstərdi. “Leyptsiq”in rəsmi matçlarda 18 oyunluq məğlubiyyətsiz seriyasına son qoyuldu. “Union” isə tarixində ilk dəfə bundesliqada ardıcıl 5 oyunluq qələbə seriyası yaxalamış oldu.

Daha bir gözlənilməz nəticə Kölndə qeydə alındı. Tarixinin ən yaxşı mövsümünü keçirən və son 7 turda uduzmayan “Ayntraxt” “Reyn Energi Ştadion”da darmadağın oldu. Amma “Köln” səfərləri zatən tarixən frankfurtlular üçün uğursuz keçir. Komanda XXI əsrdə bu şəhərdə keçirdiyi 14 bundesliqa matçının cəmi 1-də qalib gəlib (4 heç-heçə, 9 məğlubiyyət). “Leyptsiq”lə “Ayntraxt”ın uduzması “Frayburq”un işinə yaradı. Qrifonun penaltidən vurduğu 2 qol sayəsində “Ştutqart”ı yenən Kristian Ştrayxın kollektivi 4-cü pilləyə yüksəldi. “Bayer-04” 2, “Herta” isə 4 oyunluq məğlubiyyət seriyasına son qoydu. Paytaxt təmsilçisinin qələbəsi daha parlaq alındı. Son 4 turda cəmi 1 qol vuran və üstəlik hesabda geri düşdüyü qarşılaşmalarda 2021-in dekabrından bu yana qələbəsi olmayan “Herta” Münhenqladbax “Borussiya”sını hesabı açmağına peşman etdi!

20-ci tur
Bavariya – Bohum 3:0
Müller, 41. Koman, 64. Qnabri, 74-p. (75000)
Bavariya: Zommer, Pavar, Upamekano, De Liqt, Kanselo (Koman, 60), Qoretska, Musiala (Blind, 67), Sane (İbrahimoviç, 77), Müller (Devis, 46), Qnabri, Çupo-Motinq (Tel, 67).

Verder – Borussiya D 0:2
Bayno-Gittens, 67. Brandt, 85. (42100)
Borussiya: Kobel, Ryuyerson (Menye, 88), Zyule, Şlotterbek, Gerreyro, Əmrə Can, Bellingem, Brandt (Dahud, 89), Roys (Salih Özcan, 66), Reyna (Bayno-Gittens, 66), Mukoko (Alle, 29).

Leyptsiq – Union 1:2
Henrixs, 24 – Haberer, 61. Knoxe, 72-p. (47069)
Leyptsiq: Blasvix, Simakan (Poulsen, 74), Klostermann, Qvardiol, Halstenberq (Raum, 88), Soboslai, Laymer (Aydara, 62), Şlager, Henrixs, Andre Silva (Forsberq, 74), Verner.
Union: Ronnov, Duxi, Knoxe, Leyte, Yuranoviç, Layduni (Torsbi, 86), Xedira, Haberer (Russiyon, 80), Gisselmann (Seqyun, 81), Bekker (Mixel, 62), Berens (Sibaço, 62).

Köln – Ayntraxt F 3:0
Hübers, 49. Skiri, 71; 86. (50000)
Ayntraxt: Trapp, Tuta, Hasebe (Alario, 80), N'Dika, Buta (Knauff, 66), Kamada, Sou (Rode, 72), Maks, Lindström (Borre, 66), Götse, Kolo Muani.

Hoffenhaym – Bayer-04 1:3
Nsoki, 77 – Abdrix, 6. Diabi, 47. Hlojek, 56. (20619)
Bayer-04: Qradetski, Tapsoba, Ta, İinkapye, Frimponq (Bellarabi, 86), Kərəm Dəmirbay (Adli, 82), Andrix, Sinkqraven (Bakker, 81), Diabi (Palasios, 73), Virts, Hlojek (Əmiri, 73).

Frayburq – Ştutqart 2:1
Qrifo, 60-p; 84-p. – Fürix, 30. (34700)
Frayburq: Flekken, Kübler, Ginter, Linhart, Günter, Eqqeştayn, Höfler, Doan (Petersen, 90), Sallai (Höler, 69), Qrifo (Qulde, 90), Qreqoritş (Con Vu Yon, 79).

Herta – Borussiya M 4:1
Nqankam, 30. Dardai, 52. Şerhant, 90+1. Lukebakio, 90+7-p. – Elvedi, 17. (40973)

Maynts-05 – Auqsburq 3:1
Li Çje Sun, 21; 52. Onisivo, 24 – Demiroviç, 28-p. (22200)

Şalke-04 – Volfsburq 0:0
(60836)

1. Bavariya 20 12 7 1 59-18 43
2. Union 20 13 3 4 35-24 42
3. Borussiya D 20 13 1 6 40-26 40
4. Frayburq 20 11 4 5 32-31 37
5. Leyptsiq 20 10 6 4 40-26 36
6. Ayntraxt F 20 10 5 5 40-29 35
7. Volfsburq 20 8 6 6 38-26 30
8. Bayer-04 20 8 3 9 33-32 27
9. Verder 20 8 3 9 31-39 27
10. Borussiya M 20 7 5 8 35-33 26
11. Köln 20 6 8 6 32-31 26
12. Maynts-05 20 7 5 8 30-32 26
13. Auqsburq 20 6 3 11 25-36 21
14. Hoffenhaym 20 5 4 11 29-39 19
15. Bohum 20 6 1 13 24-49 19
16. Herta 20 4 5 11 24-36 17
17. Ştutqart 20 3 7 10 23-36 16
18. Şalke-04 20 2 6 12 14-41 12

Bombardirlər: Füllkruq (Verder) – 13, Nkunku (Leyptsiq) – 12, Qrifo (Frayburq) – 11, Türam (Borussiya M), Musiala (Bavariya) – 10.
Növbəti turun oyunları fevralın 17-19-da keçiriləcək: Auqsburq – Hoffenhaym, Borussiya M – Bavariya, Volfsburq – Leyptsiq, Bohum – Frayburq, Ştutqart – Köln, Ayntraxt F – Verder, Union – Şalke-04, Borussiya D – Herta, Bayer-04 – Maynts-05.

Turun rəqəmi
0 – Onsuz da bərbad mövsüm keçirən “Şalke-04” son turlarda qolsuzluq xəstəliyinə tutulub. Bu komanda nə özü qol vura bilir, nə də rəqiblərə imkan verir. Bu tur helzenkirhenlilərin ardıcıl 3-cü qarşılaşmasında qapılara qol vurulmadı. Bir komandanın 2-ci dövrəyə ardıcıl 3 qolsuz heç-heçə ilə başlamasına bundesliqa tarixində cəmi 3-cü dəfə rast gəlindi. Daha öncə bu, “Köln” (1995/96) və “Fortuna”nın (1976/77) başına gəlmişdi. Maraqlıdı ki, elitada sonuncu dəfə bunu yenə də “Fortuna” yaşamışdı. Düsseldorf təmsilçisi 2012/13-ün 2-4-cü turlarında qolsuz bərabərlikləri sıralamışdı. Onu da bildirək ki, turnirin tarixində bir komandanın ardıcıl 4 dəfə 0:0 oynamasına rast gəlinməyib.

Turun ulduzu
Elye Skiri (Köln) – Tunisli yarımmüdafiəçi təqvim ilinə mükəmməl start verib. “Ayntraxt”la qarşılaşmada dubl edən 27 yaşlı futbolçu 2023-cü ildə bundesliqada keçirdiyi 5 qarşılaşmada vurduğu qolların sayını 5-ə çatdırdı. Başqa sözlə desək, Skiri hələ ki bu il turnirin ən məhsuldar oyunçusudu. Maraqlıdı ki, bu seriyaya qədər Skiri ardıcıl 19 çempionat oyununda fərqlənə bilməmişdi.

Turun sitatı
Tomas Müller, “Bavariya”nın forvardı: “Oyunumuzdan razı qala bilərik. İnamlı qələbə qazandıq. Fərq daha böyük ola bilərdi. 90 dəqiqənin heç bir anında oyunumuzda eniş yaşanmadı. Düzdü, ilə inamlı start vermədik. Amma 2023-də hələ də heç kimə uduzmamışıq. İntensiv oynayırıq və əsil komanda təsiri bağışlayırıq. Hərçənd bu futbolun PSJ-ni yenmək üçün kifayət edib-etməyəcəyini bilmirəm”.

2-ci BUNDESLİQA
20-ci tur: Arminiya – Hanza 0:1, Karlsrue – Qroyter 2:1, Nürnberq – Reqensburq 1:0, Holştayn – Maqdeburq 2:3, Hannover-96 – Paderborn 3:4, Haydenhaym – Hamburq 3:3, Sankt Pauli – Kayzerslautern 1:0, Darmştadt – Ayntraxt B 2:1, Fortuna – Sandhauzen 2:0.

1. Darmştadt 20 13 6 1 35-16 45
2. Hamburq 20 13 2 5 38-24 41
3. Haydenhaym 20 10 7 3 38-25 37
4. Paderborn 20 11 2 7 44-236 35
5. Kayzerslautern 20 9 8 3 34-26 35
6. Fortuna 20 10 2 8 32-26 32
7. Hannover-96 20 8 4 8 29-27 28
8. Holştayn 20 7 7 6 35-34 28
9. Sankt Pauli 20 6 8 6 27-25 26
10. Hanza 20 7 3 10 18-27 24
11. Qroyter 20 5 8 7 25-30 23
12. Karlsrue 20 6 4 10 29-33 22
13. Nürnberq 20 6 4 10 17-27 22
14. Ayntraxt B 20 5 6 9 23-32 21
15. Maqdeburq 20 6 3 11 26-39 21
16. Arminiya 20 6 2 12 27-32 20
17. Sandhauzen 20 5 4 11 23-36 19
18. Reqensburq 20 5 4 11 21-36 19

Bombardirlər: Qlatsel (Hamburq) – 14, Klayndinst (Haydenhaym), Leyperts (Paderborn) – 11.