Tur “Ştutqart”ın evdə “Haydenhaym”a minimal hesabla uduzması ilə start götürdü. Halbuki debütant son üç turun hamısında qol vurmadan məğlub olmuşdu. “Haydenhaym” sona 3 tur qalmış “xilaskar” 16-cı pillə ilə xal fərqini 5-ə endirdi.

Şənbə gününün qarşılaşmaları maraqlı və məhsuldar alınsa da, süprirzlər çox olmadı. Enişdə olan “Maynts-05” Münhendə “Bavariya”ya müqavimət göstərə bilməyərək 3 cavabsız qol buraxdı. Maraqlıdı ki, “karnavalçılar” bu mövsüm ilk dəfə böyük hesabla uduzdular. Amma bu qələbə çempionluq üçün kifayət etmədi. Çünki “Bayer-04” “Auqsburq”la qarşılaşmada xal itirmədi. Bununla belə, gələn tur “rekordmayster”in taleyi artıq öz əlində olacaq. Komanda səfərdə “Leytsiq”i məğlub edəcəyi təqdirdə çempionluğu rəsmiləşdirəcək. Ən maraqlısı odu ki, Keyn karyerasında ilk titulunu qazana biləcəyi oyunu cəza üzündən buraxmalı olacaq! Bu tur o, qayda pozuntusuna yol verəndən sonra topu “Maynts-05”li futbolçulara vermək istəmədiyinə görə sarı vərəqə alaraq cəzalı udurma düşdü. Dortmund “Borussiya”sı Zinshaymda fanatlarına cəhənnəm əzabı yaşatsa da, 3 xal qazanmağı bacardı. “Hoffenhaym” 90-cı dəqiqədə bərabərlik qolunu vursa da, əsas vaxta əlavə olunmuş 5-ci dəqiqədə hücuma qoşulan müdafiəçi Anton “arılar”a çox mühün 3 xal qazandırdı. Niko Kovaçın komandası “ÇL zonası” ilə xal fərqini 3-ə endirdi. Halbuki 5 tur öncə bu fərq 10 xala bərabər idi!

50-ci dəqiqədən azlıqda oynayan “Leyptsiq” Frankfurt səfərində pərən-pərən düşdüsə, 26-cı dəqiqədən azlıqda oynayan “Volfsburq” evdə “Frayburq”a minimal hesabla uduzdu. “Frayburq” bu qələbə sayəsində 23-cü turdan bəri ilk dəfə “ÇL zonası”na yüksəldi. Münhenqladbax “Borussiya”sı turun ən dramatik oyununda autsayder “Holştayn”a qarşı səfərdə 2 dəfə hesabı bərabərləşdirməyə müvəffəq olsa da, sonda xal qazana bilmədi. Turun ilk 7 oyununda heç-heçə qeydə alınmadığı halda, son iki qarşılaşma “sülhlə” bitdi. “Bohum” “Union”la 1:1-dən sonra sonuncu pilləyə yuvarlandısa, evdə “Sankt Pauli”nin qapısına yol tapa bilməyən “Verder”in 4 oyunluq qələbə seriyası başa çatdı.

31-cu tur
Bavariya – Maynts-05 3:0
Sane, 27. Olise, 40. Dayer, 84. (75000)
Bavariya: Urbiq, Laymer, Dayer, Kim Min Ce (Boe, 46), Stanişiç, Kimmix, Pavloviç (Qoretska, 84), Olise, Sane (Müller, 84), Qnabri (Koman, 72), Keyn (Kusi-Asare, 88).

Bayеr-04 – Auqsburq 2:0
Şik, 13. Buendia, 45+1. (29563)
Bayer-04: Kovarj, Artur (Frimponq, 86), Ta, Tapsoba, Qrimaldo, Caka, Andrix, Tella (İnkapye, 64), Buendia (Hofmann, 64), Virts (Qarsiya, 82), Şik (Adli, 64).

Hoffеnhaym – Borussiya D 2:3
Hlojek, 61. Haderjabek, 90 – Girassi, 20. Brandt, 74. Anton, 90+5. (30150)
Borussiya: Kobel, Ryuyerson (Kouto, 77), Zyule (Reyna, 85), Anton, Bensebayni, Svensson, Əmrə Can, Nmeça (Salih Özcan, 68), Brandt (Çukvuemeka, 81), Gittens (Adeyemi, 68), Girassi.

Ayntraxt F – Lеyptsiq 4:0
Knauff, 21; 53. Ekitike, 67. Kox, 71. (57000)
Ayntraxt: Trapp, Kollins (Çandler, 86), Tuta, Kox, Teate (Amenda, 81), Braun, Larsson, Skiri, Knauff (Vahi, 75), Bahoya (Höylunn, 75), Ekitike (Çaibi, 82).
Leyptsiq: Vandevoordt, Nedelkoviç (Openda, 46), Qeertruyda, Klostermann, Bitşiabu, Lukeba, Zayvald (Aydara, 86), Baumqartner (Vermeeren, 54), Baku, Simons (Qomis, 76), Şeşko (Nusa, 76).

Volfsburq – Frayburq 0:1
Rozenfelder, 49. (23145)

Holştayn – Borussiya M 4:3
Matino, 15; 90+1. Bernardsson, 23. Qiqoviç, 76 – Çvançara, 60. Plea, 69. Onora, 86. (15034)

Ştutqart – Haydenhaym 0:1
Honsak, 89. (60000)

Bohum – Union 1:1
Bero, 68 – Hollerbax, 17. (26000)

Verder – Sankt Pauli 0:0
(42100)

1. Bavariya 31 23 6 2 90-29 75
2. Bayer-04 31 19 10 2 66-35 67
3. Ayntraxt F 31 16 7 8 62-42 55
4. Frayburq 31 15 6 10 44-47 51
5. Leyptsiq 31 13 10 8 48-42 49
6. Borussiya D 31 14 6 11 60-49 48
7. Maynts-05 31 13 8 10 48-39 47
8. Verder 31 13 7 11 48-54 46
9. Borussiya M 31 13 5 13 51-50 44
10. Auqsburq 31 11 10 10 33-42 43
11. Ştutqart 31 11 8 12 56-51 41
12. Volfsburq 31 10 9 12 53-48 39
13. Union 31 9 9 13 31-45 36
14. Sankt Pauli 31 8 7 16 26-36 31
15. Hoffenhyaym 31 7 9 15 40-58 30
16. Haydenhaym 31 7 4 20 33-60 25
17. Holştayn 31 8 7 19 45-74 22
18. Bohum 31 5 6 20 30-63 21

Bombardirlər: Keyn (Bavariya) – 24, Şik (Bayer-04) – 19, Girassi (Borussiya D) – 17.

Növbəti turun oyunları mayın 2-4-ü aralığında keçiriləcək: Auqsburq – Holştayn, Borussiya M – Hoffеnhaym, Borussiya D – Volfsburq, Frayburq – Bayеr-04, Haydenhaym – Bohum, Maynts-05 – Ayntraxt F, Lеyptsiq – Bavariya, Union – Verder, Sankt Pauli – Ştutqart.

Turun rəqəmi
500 – “Bavariya”nın veteranı Tomas Müller bu tur meydana çıxmaqla bundesliqada yubiley – 500-cü oyununu keçirdi. Bununla da Müller turnirin tarixində bir klubun heyətində 500 oyun həddinə çatan 4-cü futbolçu oldu! Daha öncə bunu Karl-Hayns Kerbel (602, “Ayntraxt” F), Manfred Kalts (581, “Hamburq”) və Mihael Lamek (518, “Bohum”) bacarmışdı.

Turun ulduzu
Syuto Matino (Holştayn) – tarixində ilk dəfə bundesliqada oynayan komanda bəlkə də qalan turlarda xilas ola bilməyəcək. Amma Kil təmsilçisi Matinonun sayəsində son turlarda önəmli xallar qazanır və elitada qalmaq ümidini davam etdirir. 25 yaşlı yaponiyalı forvard ötən tur çətin “Leyptsiq” səfərində (1:1) komandasının yeganə qolunu vurmuşdusa, bu dəfə heç də zəif olmayan Münhenqladbax “Borussiya”sı ilə dueldə dubl etdi və ən əsası son anlarda qələbə qolunu vurdu. Bu mövsüm onun hesabında artıq 10 qol var. Bundesliqada ilk mövsümünü keçirən və iddiasız bir klubda oynayan futbolçu üçün heç də pis göstərici deyil.

Turun sitatı
Harri Keyn, “Bavariya”nın forvardı: