“Ot örtüyü ideal səviyyədə olmasa belə, futbolçularım yaxşı çıxış etdi”
“Qəbələ” 1-ci liqanın 24-cü turunda “Karvan”a uduzdu, mövsümdəki ikinci məğlubiyyətini aldı.
“Qırmızı-qaralar” İmişlidə olduğu kimi, bu məğlubiyyəti də stadionun qazonunun durumu ilə izah edir. Odu ki, “Karvan”ın baş məşqçisi Kənan Kərimovun oyunla bağlı fikrini öyrəndik: komandanız çempiona nəyin hesabına qalib gəldi? Doğrudanmı, pis qazonun? Kərimovun cavabı:
“Azarkeşlərimizə təşəkkür edirəm. Onların möhtəşəm dəstəyi hesabına futbolçularımız xarakter göstərdi və qalib gəldi. Ot örtüyü ideal səviyyədə olmasa belə, futbolçularım yaxşı çıxış etdi. Bu oyuna yaxşı köklənmişdik. Çempionatda maksimum nəticə əldə etmək, 2-ci yerdə qərarlaşmaq istəyirik. Futbolçularım xarakter göstərərək layiqli qələbə qazandılar”.
ƏSƏD SEYİDOV
Digər xəbərlər
