“İmişli” qolla öyünür, MOİK isə Yevlaxdakı qazondan narazıdı
Futbol üzrə ölkə çempionatının 1-ci liqasında 14-cü tura yekun vuruldu.
"Football-plus.az" xəbər verir ki, ilk 13 turda qapısını toxunulmaz saxlayan “Qəbələ”, nəhayət, İmişli səfərində qol buraxdı. Amma liderdən xal almaq mümkün olmadı. MOİK də elitaya iddialı “Karvan”la bacarmadı. Qəzənfər Abbasovun komandası 4 oyunluq qələbə seriyasını davam etdirə bilmədi.
“İmişli”nin İdarə Heyətinin sədri və MOİK-in baş məşqçisi Qəzənfər Abbasovun son turla bağlı fikirlərini öyrəndik.
Aqşin Mürsəlov:
“Oyunların həftəiçi və iş vaxtı keçirilməsinin azarkeş sayına çox ciddi təsir etdiyini düşünürəm. Daha çox azarkeş gələcəyini gözləyirdim. Nəticədən razı deyilik. Amma bu futboldu. Hər şey ola bilər. “Qəbələ”nin güclü komanda olduğunu bilirdik. Top buraxmayan komanda ilə qarşılaşmada qol vurduq. Bu potensialımızın olduğunu göstərir. Artıq növbəti oyunlara hazırlaşırıq. Hədəfimiz premyer-liqaya yüksəlməkdi. Sona qədər mübazirə aparacağıq”.
Qəzənfər Abbasov:
“Oyuna pis başladıq. Rəqib ard-arda üç qol vurdu. Meydançanın ot örtüyü normal oynamağa imkan vermədi. Buna baxmayaraq, futbolçularım əlindən gələni etdi. Sadəcə, bu gün alınmadı. “Karvan” əzmkar mübarizə apardı. Kənan Kərimovun komandasını təbrik edirəm”.
ƏSƏD SEYİDOV
Digər xəbərlər
