“İmişli futbolunun yenidən dirçəldilməsinin iştirakçısı olmuşam. İşin araya-ərsəyə gəlməsi üçün yüz faiz əməyimi sərf etmişəm. Buna görə AFFA-ya təşəkkür edirəm. Qurumda görüşlər keçirib müzakirələr apardıq. Sağ olsunlar, bu işə çox ciddi yanaşdılar. İmişli futbolunun potensialını nəzərə alıb maliyyə ayırdılar və bu məsələyə start verildi. Nəticədə istəyimizə çatdıq. AFFA-ya həm də ona görə təşəkkür edirəm ki, onların xətti ilə bir çox problem aradan qaldırıldı, həmçinin kluba sponsor tapıldı. “İmişli”nin çox bacarıqlı məşqçiləri, təcrübəli futbolçulardan qurulan komandası var. O vaxt Heydər Əliyev adına şəhər stadionunun kluba verilməsi üçün də müəyyən orqanlara müraciət etdim. Qısası, həmişə İmişli futboluna yardım etmişəm. Əslində adımın çəkilməsini, gördüyüm işlərin hamıya bəlli olmasını istəmirdim. “İmişli”yə premyer-liqada uğurlar arzulayıram. Əsas çempionatda duruş gətirmək çətindi. Komandanın vəzifəsi çox ciddidi. Yaxşı futbol oynamalıdılar. Belədə sponsor olmaq istəyənlər tapılacaq. Komandadan gözləntilərimiz çoxdu. Ümid edirəm ki, “İmişli”ni avroboklarda görəcəyik”.