"İmişli"nin futbol üzrə ölkə çempionatının 1-ci liqasında sonuncu ev oyununu "doğma divarlar" arasında yox, Şamaxı Olimpiya İdman Kompleksinin stadionunda keçirilib. Maraqlıdı ki, komandanın növbəti ev matçı da bu idman qurğusunda baş tutacaq.

"Football-plus.az" “İmişli”nin şəhər stadionundan uzaq düşməsinin səbəblərini araşdırıb. Məlum olub ki, idman qurğusunun ötən ilin sonunda yenilənən təbii ot örtüyü yenidən yararsız hala düşüb. Bölgə təmsilçisi problemi aradan qaldırmaq üçün təxminən 15 gün vaxta ehtiyac duyub. Belədə "Cəbrayıl" və MOİK-ə qarşı olan ev oyunlarının Şamaxıda baş tutmasına qərar verilib.

Xatırladaq ki, 2-ci liqada iştirak edən "Kür-Araz" da ev oyunlarını İmişli şəhər stadionunda keçirir. İdman qurğusunun aprelin 16-18-i aralığında keçiriləcək "İmişli" - "Qəbələ" matçına qədər hazır vəziyyətə gətirilməsi planlaşdırılır.

KƏNAN BAHADIR