“Halvaçılar”ın möcüzəsi: 22 oyunda 18, bir oyunda 8 qol!
Aprelin 28-30-da futbol üzrə ölkə çempionatının 2-ci liqasında 23-cü turun oyunları keçirilib.
“Sheki City” doğma meydanda “Kür-Araz”ı darmadağın edib - 8:4. Halbuki “halvaçılar” buna qədər cəmi 18 dəfə fərqlənməyi bacarmışdı. “Sheki City”nin prezidenti Elgün Hüseynov "Football-plus.az"a son oyunla bağlı açıqlama verdi:
“Komandamıza qələbə hava-su kimi vacib idi. Liqada qalmaq üçün lazımi matç idi. Maddi duruma görə gələ bilməyən futbolçuların burada olmasını təşkil etdik. Cəzadan və zədədən qayıdan futbolçularımız oldu. Kollektivimiz yerində idi. “Kür-Araz”da əsas oyunçuların bir neçəsi yox idi. Uzunmmüddətdi ki, qol vura bilmirdik. Qələbə qazanmağa ehtiyacımız var idi. Oyunumuz alındı, qələbə gəldi. Bir az rahat nəfəs ala bildik”.
ƏSƏD SEYİDOV
