“Uduzsaydıq, sonuncu pillələrə yuvarlana bilərdik” – “halvaçılar”ın prezidenti
Martın 23-24-də futbol üzrə ölkə çempionatının 2-ci liqasında 18-ci turun oyunları keçirilib.
“Football-plus.az” xəbər verir ki, “Ağdaş” - “Sheki City” oyununda maraqlı nəticə qeydə alınıb. Aşkar autsayderlərdən “Sheki City” səfərdə inamlı qələbə qazanıb – 3:1. “Halvaçılar”ın prezidenti Elgün Hüseynov qələbəni belə şərh etdi:
“Ağdaş” ilə oyun bizim üçün son nöqtə idi. Uduzsaydıq, sonuncu pillələrə yuvarlana bilərdik. Futbolçularla danışdıq və məşqlərə çox ciddi yanaşdıq. Futbolçular da əziyyət çəkdi və qələbə qazandı. Onlar bu təhlükəni dərk etdilər. Növbəti oyunlara hazırlaşırıq”.
Xatırladaq ki, “Sheki City” 14 xalla 10-cu pillədə qərarlaşıb. Son dörd pillədə yer alan komandaların xal durumu: Lerik – 13, Göygöl – 12, Ağdaş – 10, Füzuli – 9.
ƏSƏD SEYİDOV
Digər xəbərlər
