“Qarabağ”a ümidi bağladıqlarını düşünmürəm” – “Turan Tovuz”a nə olub?
“Turan Tovuz” Misli premyer-liqasının 32-ci turunda “Şamaxı” ilə heç-heçə etməklə 3-cü yerdə qərarlaşmaq iddiasından geri düşdü.
Komanda “Araz-Naxçıvan”la xal fərqini azaltmaq imkanını ardıcıl iki turda əldən verib. Bəlkə əsas səbəb odu ki, tovuzlular kuboku “Qarabağ”ın qazanacağına, Avropaya 4-cü yerin sahibi kimi gedəcəklərinə əmindilər? Bu sualı təcrübəli mütəxəssis Arif Əsədova ünvanladıq:
“Qarabağ”a ümidi bağladıqlarını düşünmürəm. Komanda meydana qələbə üçün çıxmışdı. İstədiyinə nail ola bilmədi. Rəqiblər onlara qarşı necə oynayacaqlarını bilir. “Şamaxı” ilə matçda ilk hissədə yaxşı çıxış etdilər və üstünlük onlarda idi. İkinci yarıda “Şamaxı” onları üstələdi. Ədalətli nəticə heç-heçə idi. Kuboka görə belə çıxış etdiklərini düşünmürəm. Üslublarını rəqib oxuduqdan sonra çətinlik çəkirlər. Dönüş yarada bilmirlər”.
ƏSƏD SEYİDOV
