“Nant”ın qonağı olan PSJ cari mövsümdəki 25-ci qələbəsini qazana bilmədi

"Football-plus.az" xəbər verir ki, hesab 33-cü dəqiqədə açıldı. Vinger Li Kan İnin ötürməsindən sonra PSJ-nin portuqaliyalı yarımmüdafiəçisi Vitinya fərqləndi. Amma 83-cü dəqiqədə Auqusto meydan sahiblərini məğlubiyyətdən qurtardı.

Aprelin 5-də çempionluğu rəsmiləşdirən PSJ bu heç-heçə ilə xalını 78-ə çatdırdı. Paytaxt klubu sona 4 tur qalmış ən yaxın izləyicisi “Marsel”i 23 xal qabaqlayır. Parislilərin cari mövsümdə keçirdiyi 30 oyunun 24-də qələbə qazandığını, 6-da heç-heçə etdiyini də xatırladaq. PSJ “böyük beşlik”də çempionat oyunlarında uduzmayan yeganə komandadı.

PSJ-nin elə “böyük beşlik” məkanı ilə bağlı daha bir önəmli statistikası var. Bu komanda ardıcıl 39 səfər oyununda uduzmamaqla (30 qələbə, 9 heç-heçə) qitənin beş əsas liqası üçün yeni rekord müəyyənləşdirdi. Əvvəlki rekord 1991-93-cü illər aralığında səfərdə ardıcıl 38 çempionat oyununda uduzmayan “Milan”a məxsus idi.

29-cu turdan təxirə salınan oyun
Nant – PSJ 1:1
Auqusto, 83 – Vitinya, 33. (34420)
PSJ: Donnarumma, Neveş, Markinyos, Beraldo, Mendeş (Paço, 62), Zair-Emeri (Barkola, 62), Vitinya, Ruis, Li Kan İn (Ramuş, 63), Dembele (Due, 63), Kvaratsxeliya (Mayulu, 71).

1. PSJ – 78, 2. Marsel – 55, 3. Monako – 54... 14. Nant – 31...
Bombardir: Dembele (PSJ) – 21.

Oyundan sonra
Luis Enrike, PSJ-nin baş məşqçisi: