''Fənərbaxça''nın qapıçısından qalmaqallı sözlər: ''Ana-bacı söyüşü...''
''Fənərbaxça'' səfərdə ''Qaziantep''i 3:1 məğlub edərək ''Qalatasaray''ın təqibini davam etdirdi.
''Football-plus.az'' xəbər verir ki, ''sarı-lacivərdlilər''in qapıçısı İrfan Can Eğribayat matçın ardından verdiyi açıqlamalarla diqqət mərkəzinə düşdü. 26 yaşlı əlcək sahibi oyunboyu onu təhqir edən antepli fanatlardan şikayətləndi, eləcə də karyerasını ''Qaziantep''də davam etdirən sabiq ''Qalatasaray''lı Badu N'Diayenin onu təxribata sürükləmək istədiyinə də işarə vurdu:
''Oyundan çox başqa şeylər haqda danışmaq istəyirəm. Zəlzələ zamanı Antepə çox yardım etməyə, onların acısını paylaşmağa, üzüntüsünü azaltmağa çalışmışdıq. Amma vurduğumuz qola sevindiyinim üçün qapı arxasındakı tribunada oturanlar dərhal mənə ana-bacı söyüşü söyməyə başladılar. Belə şeylər eşitmək heç xoş olmadı. Mən də buna oyun qaydalarına uyğun cavab verməyə çalışdım. Komandam hesabda öndə idi və bir qədər vaxt uzatmağım normaldı. Amma rəqib komandanın üzvləri ilk yarıda vaxt uzatdıqda heç kim heç nə demirdi. Normal qarşılanırdı. Halbuki rəqibin qapıçısı hər dəfə topu qapıdan oyuna daxil edəndə 1 dəqiqədən çox vaxt aparırdı. Amma mən edən kimi birbaşa ana-bacı söyüşü söyürlər. Mən buna sadəcə gülürdüm. Hər qolda sevinməyimə daha da cırnayırdılar. Badu N'Diaye oyundan sonra üzümə dirsək atmağa çalışdı. Gələn tur ''Beşiktaş''la oyunumuz olduğuna görə ona heç nə etmədim. Onun daha öncə hansı klubda oynadığını gözəl bilirəm. Futbolçu gərək hər şeydən öncə insan olsun''.
Qeyd edək ki, İrfan Can Eğribayat daha sonra paylaşım edərək zəlzələ ilə bağlı dediklərinin yanlış anlaşıldığını, öz yaxınlarının da zəlzələdən əziyyət çəkdiyini qeyd etdi və üzr istəməli oldu.
Digər xəbərlər
