Barış Alpərin atası oğluna ana söyüşü söyən məşqçi haqda nə dedi?
Xəbər verdiyimiz kimi qalmaqallı İstanbul derbisinin cəzaları dünən açıqlandı.
''Fənərbaxça''nın baş məşqçisi Joze Mourinyoya 3 oyunluq cəza verildiyi halda onun köməkçisi Salvatore Fotiyə 4 oyunluq cəza verildi. ''Football-plus.az'' xəbər verir ki, bu cəzalar superliqa matçlarına aid edilməyəcək.
Bu arada ''Qalatasaray''ın ulduzu Barış Alpər Yılmazın atası Yüksəl Yılmaz Salvatore Foti ilə bağlı açıqlamalar verib. Mourinyonun sağ əli hesab olunan Fotinin matçın son anlarında Barış Alpəri pis sözlərlə təhqir etdiyi və ona qarşı ana söyüşü işlətdiyi məlum olmuşdu. Futbolçu da bunun cavabını vermək üçün onun üstünə hücum çəkərkən aləm bir-birinə dəymişdi. Fotiyə məhz bu üzdən cəza verilib. Yüksəl Yılmaz bunları deyib:
''Əslində deyiləcək çox söz yoxdu. Bu olay cahillikdən başqa bir şey deyil. Bir məşqçinin bir futbolçuya söyüş söyməsi acizlik, ağılsızlıq və cahillikdi. Açığı, bu hadisəni eşidəndə çox üzüldüm. Çünki məşqçinin futbolçuya qarşı bu cür davranışını anlamıram. Bu olayı eşidəndə özümü yaxşı hiss etmədim. Oyundan sonra Barışla demək olar, heç nə danışmadıq. Sadəcə oyunla bağlı kiçik bir söhbətimiz oldu. Bu məsələ orda qaldı və bitdi. Həmin məşqçiyə nə demək istəyirəm? Bir az psixoloji dəstək alsın. Öz mövqeyini və harda olduğunu öyrənsin. Qarşısındakı insanların ona nə qədər ehtiyacı olduğunu bilsin. O məsuliyyəti dərk etsin. Başqa da bir söz demək istəmirəm''.
Digər xəbərlər
