Monteneqronun paytaxtı Podqoritsada cüdo üzrə Avropa çempionatı davam edir.

"Football-plus.az" xəbər verir ki, bu gü daha üç cüdoçumuz mübarizəyə qoşulub.

Kişilərdən Olimpiya çempionu Zelim Kotsoyev (100 kq) və Uşanqi Kokauri (+100 kq) tatamiyə çıxıb.

Kotsoyev həlledici görüşdə gürcüstanlı İlia Sulamanidzeyə məğlub olub. Bununla da o, turnirə gümüş medalla başa vurub.

Digər cüdoçumuz Kokauri isə bürünc medal uğrunda döyüşdə Almaniya təmsilçisi Erik Abramova uduzub.

Qadınların yarışında isə Nigar Süleymanova (+78 kq) qüvvəsini sınayacaq.

Qeyd edək ki, daha əvvəl Əhməd Yusifov (60 kq), Rəşid Məmmədəliyev (73 kq), Zelim Tçkayev (81 kq) və Murad Fətiyev (90 kq) bürünc medal qazanıblar.

Əlavə edək ki, yığmamız Avropa çempionatında həm fərdi idmançılarla, həm də komandalar üzrə mübarizə aparır. Ölkəmizi 12 çəki dərəcəsində ümumilikdə 9-u kişi, 6-sı qadın olmaqla 15 cüdoçu təmsil edir. Yığma həmçinin qarışıq komanda yarışında çıxış edəcək.