Monteneqronun paytaxtı Podqoritsada cüdo üzrə Avropa çempionatı davam edir.

"Football-plus.az" xəbər verir ki, bu gün daha beş cüdoçumuz mübarizəyə qoşulacaq. Kişilərin yarışında Zelim Tçkayev, Ömər Rəcəbli (hər ikisi 81 kq), və Murad Fətiyev (90 kq) tatamiyə çıxacaqlar. Qadınlardan isə Günel Həsənli ilə Südabə Ağayeva (hər ikisi 70 kq) qüvvəsini sınayacaq.

Qeyd edək ki, daha əvvəl Əhməd Yusifov (60 kq) və Rəşid Məmmədəliyev (73 kq) bürünc medal qazanıb.

Əlavə edək ki, yığmamız Avropa çempionatında həm fərdi idmançılarla, həm də komandalar üzrə mübarizə aparır. Ölkəmizi 12 çəki dərəcəsində ümumilikdə 9-u kişi, 6-sı qadın olmaqla 15 cüdoçu təmsil edir. Yığma həmçinin qarışıq komanda yarışında çıxış edəcək.