Monteneqronun paytaxtı Podqoritsada cüdo üzrə Avropa çempionatı davam edir.

"Football-plus.az" xəbər verir ki, cüdoçumuz Əhməd Yusifov (60 kq) turnirdə bürünc medal uğrunda görüşə vəsiqə qazanıb. O, təsəlliverici görüşdə millimizin digər üzvü Turan Bayramova qalib gəlib. Ruslan Paşayev (66 kq), Könül Əliyeva (48 kq) və Gültac Məmmədəliyeva (52 kq) isə yarışda mübarizəni dayandırıblar.

Qeyd edək ki, yığmamız Avropa çempionatında həm fərdi idmançılarla, həm də komandalar üzrə mübarizə aparır. Ölkəmizi 12 çəki dərəcəsində ümumilikdə 9-u kişi, 6-sı qadın olmaqla 15 cüdoçu təmsil edir. Yığma həmçinin qarışıq komanda yarışında çıxış edəcək.