Ölkə kubokunda yarımfinalın “Neftçi” – “Sabah” oyunundan sonra böyük qalmaqal yaşandı. “Sabah” rəhbərliyi keçmiş futbolçusu Elvin Camalovu adı çəkilməyən futbolçunu komandaya cəlb etmək cəhdi ilə bağlı suçladı. Bəs cavab oyununda nə oldu?

Elvin Camalovla Cesei Sekidika arasında hansısa gərginlik görünmədi. Oyundan əvvəl futbolçular salamlaşanda onlar da haml kimi bir-birinin əlini sıxşdı. Oyun ərzində bir neçə dəfə qarşılaşan futbolçular arasında nə söhbət, nə də aqressivlik oldu.

Ümumiyyətcə, Elvinin məhz “Sabah”ın sabiq futbolçusu olduğu hiss olunmurdu. O, sanki yad kluba qarşı oynayırdı, “Neftçi”yə heç bu komandadan gəlməyib. Bir dəfə də 89-cu dəqiqədə yerdə olan sabiq komanda yoldaşı – Abdulla Xaybullayevə əlini uzatdı. Onda da məqsəd futbolçunun zədəli olub-olmadığı ilə maraqlanmaq yox, meydanı bir qədər tez tərk etməsini istəməsi idi.

Zaman-zaman Elvində gərginlik də müşahidə olunurdu. İkinci hissədə kobudluğa görə sarı vərəqə aldı, hakimə etiraz etdi. Ancaq onda da vərəqəlik hərəkət etmişdi.

MÜZƏFFƏR QULUZADƏ