“Oyunu çevirə biləcəyimizi düşünürdüm. 25-ci dəqiqədəki epizoda baxsaz, oyunun dəyişmə anı da ola bilərdi. Bizim baxdığımız epizod təmiz penaltidi. Ümid edirəm ki, bizə qarşı səhvlər olmayacaq. Vandersonun epizodunda “qırmızı” dəyərləndirilə bilərdi. İkili standartlar hiss olunur. Mən bunu hiss edirəm. Ümid edirəm ki, bizə qarşı daha obyektiv olarlar”.

“Kubokun hər iki oyununu izlədim. “Qarabağ” rəqibdən üstün oynadı. Rəvan Həmzəzadənin briqadası oyunun öhdəsindən gəldi. Təyinat da doğru idi. Rəvan oyunun axarını pozmamağa çalışdı. Köməkçilərlə əlaqəsi çox yaxşı idi. Fiziki durumu həmişəki kimi yerində idi. İntizam sanksiyalarında ədalət şəffaf oldu. Oyun qaydalarına zidd olan hərəkətləri edən futbolçuları bağışlamadı. Matçın əvvəlində müəyyən profilaktik tədbirlər görürdü. Futbolçuları başa salmağı bacarırdı. Elmar Baxşıyev müəyyən gərginlik nəticəsində belə sözlər işlədə bilər. Antipatiya, simpatiya və ikili standartlardan söhbət gedə bilməz. Hakimlər bitərəf qalmağa çalışdı. Rəvanı və onun briqadasını təbrik edərdim. Onlara tapşırılan işin öhdəsindən layiqincə gəldilər”.