“Araz-Naxçıvan” ölkə kubokunun 1/4 final mərhələsinin cavab oyununda da “Zirə”ni məğlub etdi – 0:2.

“Football-plus.az” “qırmızı-ağlar”ın baş məşqçisi Elmar Baxşıyev oyunsonrası fikirlərini təqdim edir.

- Çətin oyun olacağını bilirdik. Hər iki komanda meydanda yaxşı mübarizə apardı. Futbolçularım yaxşı iş gördülər. Layiqli qələbə qazandığımızı düşünürəm. Bu oyunu unudub, çempionat matçına hazırlaşmağımız vacibdi. Futbolçularımı təbrik edirəm. Çoxlu zədəli futbolçularımız olmasına baxmayaraq, yolumuza davam edirik.

- Zədəli futbolçular nə vaxt qayıdacaq?
- Bəzilərində mikrozədədi, bəziləri də komanda ilə məşqlərə start verib. Düşünürəm ki, getdikcə optimal heyətə yaxın olacağıq.

- Cütün taleyini üç penalti həll etdi. Bunu gözləyirdiz?
- Mən də təsadüf olduğunu düşünürəm. “Zirə”nin də yaxşı epizodları oldu. Bu oyunun bir qaydasıdı və biz də istifadə etdik.

ƏSƏD SEYİDOV