“Ötən yay Veqhorstu “Beşiktaş”a təklif etdik. Amma həmin dönəmdəki başqan təklifi geri çevirərək “biz İmobbileni transfer edəcəyik” dedi və fikrindən dönmək istəmədi. Veqhorst Niderland yığmasının üzvüdü. Son nəhəng turnirlərdə də özünü yaxşı tərəfdən göstərib. Onun nəyə qadir olduğunu hər kəs bilir. “Ayaks”dan öncə “Milan”a keçmək üzrə idi. Sadəcə, italyanlar bu transferi zaman baxımından vaxtında bitirə bilmədilər. Veqhorst bu yay Türkiyəyə gələ bilər. İstənilən nəhəng klubda çox rahatlıqla oynamağa qadirdi. Yetər ki, onu istəyən klub “Ayaks”la anlaşsın. Veqhorst Türkiyədə yenə gözəl performans sərgiləməyə hazırdı. Mənim fikirimi bilmək istəyirsizsə, Veqhorst Moratadan daha güclü hücumçudu. Həm də “Qalatasaray”ın sisteminə daha uyğundu. Osimhenlə birlikdə də oynaya bilər. Bir-birini tamamlayan iki hücumçu kimi oynaya bilərlər. İkisi də mübarizə aparmağı xoşlayan futbolçulardı. Və ya “Fənərbaxça” da Cekonun yerinə onu ala bilər. Cekonun etdiklərini Veqhorst da rahatlıqla edə bilər. “Trabzonspor”? Orda da faydalı ola bilər. Amma İstanbulu tanıdığı üçün daha çox bu şəhəri təmsil edən bir klubda forma geymək istəyir. Hər kluba gəlməyə hazırdı. Dediyim kimi, yetər ki, “Ayaks”la razılıq əldə olunsun. Amma bunu həyata keçirmək asan olmayacaq. Çünki “Ayaks”la müqavilə müddəti davam edir. Oralardan futbolçu almaq asan məsələ deyil”.