Kriştiano Ronaldo tezliklə klubunu dəyişə bilər.

Portuqaliyalı ulduz futbolçu “Əl-Nəssr”i tərk etmək haqda düşünür.

“Sport Bible”in yaydığı məlumata görə, Ronaldo bu yay keçiriləcək Klublararası Dünya Çempionatında iştirak etmək üçün komandasından ayrılmağı düşünür.

Onun yenidən İngiltərədə oynamaq şansının olduğu da qeyd edilir. Belə ki, “Çelsi” və “Mançester Siti” rəhbərliyinin Ronaldonu transfer etməkdə maraqlı olduğu bildirilir. 40 yaşlı futbolçu turnirdə iştirak etmək üçün bu klublardan biri ilə 1 aylıq müqavilə bağlaya bilər. Xatırladaq ki, Kriştiano 2003-09 və 2021-22-ci illərdə “Mançester Yunayted”də çıxış edib.