Rafael Varan yenidən Kriştiano Ronaldo ilə birgə oynaya bilər. “Əl-Nəssr” rəhbərliyi “Mançester Yunayted”in müdafiəçisini transfer etməyi planlaşdırır.

“Daily Star” qəzetinin yazdığına görə, Səudiyyə Ərəbistanı klubu artıq 30 yaşlı futbolçuya müqavilə təklif edib. Transfer reallaşacağı halda Varan yeni iş yerində ilə 50 milyon funt sterlinq maaş alacaq. Qeyd edək ki, MY-nin sabiq hücumçusu Kriştiano Ronaldo hazırda “Əl-Nəssr”də çıxış edir.

Varan bu mövsüm “Yunayted”in əsas heyətində istədiyi qədər oynamaq şansı qazanmır. İngiltərə klubunun onun müqaviləsinin müddətini birillik uzatmaq variantını aktivləşdirməkdən imtina etməsi dünya çempionunun bir neçə aydan sonra komandasını dəyimək ehtimalını artırır.