Kriştiano Ronaldonun yenidən “Real”ın formasında görünmək ehtimalı var.

“Əl-Nəssr”in hücumçusu ilə bağlı maraqlı xəbəri “Sky Sports” yayıb.

40 yaşlı futbolçu klubu ilə müddəti cari mövsümün sonunda başa çatacaq müqaviləsini yeniləməyi nəzərdə keçirmir. Ronaldo bu il keçiriləcək Klublararası Dünya Çempionatında (KDÇ) iştirak etmək istəyir. Amma “Əl-Nəssr” bu turnirə vəsiqə qazana bilməyib.

Qeyd edək ki, FİFA iyunun 1-dən 10-a qədər KDÇ-də iştirak edəcək klublar üçün xüsusi “transfer pəncərəsi” açacaq. Nəticədə Ronaldo da digər klub ilə bir turnirlik müqavilə imzalamaq imkanı əldə edəcək. Deyilənə görə, o, “Real”a qayıtmaq niyyətindədi. Çünki ulduz futbolçu sabiq klubunun mundialın qalibi olacağına inanır.

Yeri gəlmişkən, bir müddət əvvəl Kriştiano ilə “İnter Mayami” və “Əl-Hilal”ın maraqlanması barədə xəbərlər yayılmışdı.