Müntəzəm çempionat sona yaxınlaşdıqca bir-birinin ardınca Stenli kuboku uğrunda mübarizə aparacaq komandalar müəyyənləşir.

Şənbə günü “San-Xose”ni məğlub edən “Edmonton” da belələrinin sırasına qoşuldu. Ardıcıl 6-cı dəfə pley-offda oynayacaq “neftçilər”in ötən mövsüm finalda “Florida”ya uduzduğunu da xatırladaq. Xatırladaq ki, pley-off mərhələsinin oyunları aprelin 19-da start götürəcək.

Bu arada müntəzəm çempionatda ən çox xal toplayan komandaya verilən Prezident kuboku da sahibini tapıb. “Vaşinqton” dünən “Kolambus”a uduzandan sonra kubokun “Vinnipeq”ə çatacağı dəqiqləşib. Axı paytaxt klubu heç bir halda 114 xalla Qərb konfransının zirvəsində qərarlaşan Kanada təmsilçisinə çata bilməyəcək. “Vinnipeq” tarixində ilk dəfə Prezident kubokunun qalibi olub. Ümumiyyətlə, Kanada klubları 2011/12 mövsümündən bəri ilk dəfə bu mükafata yiyələndi. Sonuncu belə uğur “Vankuver”in adı ilə bağlı idi.

“Vaşinqton”, daha dəqiqi, Aleksandr Oveçkin ilə bağlı da yeni xəbər var. Məhz rusiyalı ulduz dünən “Kolambus”a uduzan komandasının yeganə qolunu vurdu. Oveçkin müntəzəm çempionatda qol sayını 896-ya çatdırmaqla yanaşı, MHL karyerasında 184-cü qapıçını məyus etdi. Onun növbəti qurbanı Cet Qrivz oldu.

“San-Xose” ilə ev oyunu “Edmonton”un hücumçusu Konnor Makdevidin karyerasına yazıldı. 28 yaşlı kanadalı 4 qolun məhsuldar ötürməsini verdi. Onun hesabında artıq “neftçilər”in heyətində 4 və daha artıq məhsuldar ötürmə verdiyi 11 oyun var. Makdevid klub tarixində bu göstəricidə yalnız əfsanəvi Ueyn Qretskiyə (50) uduzur.

12 aprel
Nyu-Cersi – Pittsburq 2:4 (2:1, 0:1, 0:2)
Ottava – Monreal 5:2 (2:0, 2:2, 1:0)
Tampa-Bey – Detroyt 3:4 ОТ (1:0, 1:2, 1:1, 0:1)
Edmonton – San-Xose 4:2 (2:1, 0:1, 2:0)
Kalqari – Minnesota 4:2 (1:0, 2:0, 1:2)
Filadelfiya – Aylenders 4:3 Б (0:0, 1:2, 2:1, 0:0, 1:0)
Kolambus – Vaşinqton 7:0 (3:0, 3:0, 1:0)
Karolina – Reyncers 7:3 (2:0, 2:1, 3:2)
Los-Anceles – Kolorado 5:4 (2:1, 2:1, 1:2)

13 aprel
Florida – Baffalo 3:2 Б (0:1, 2:0, 0:1, 0:0, 1:0)
Çikaqo – Vinnipeq 4:5 Б (2:0, 0:2, 2:2, 0:0, 0:1)
Toronto – Monreal 1:0 ОТ (0:0, 0:0, 0:0, 1:0)
Dallas – Yuta 3:5 (1:1, 2:3, 0:1)
Sietl – Sent-Luis 4:3 Б (0:0, 1:0, 2:3, 0:0, 1:0)
Vankuver – Minnesota 2:3 ОТ (1:0, 1:0, 0:2, 0:1)
Veqas – Neşvill 5:3 (0:1, 3:0, 2:2)
Nyu-Cersi – Aylenders 0:1 (0:0, 0:1, 0:0)
Ottava – Filadelfiya 4:3 ОТ (0:0, 1:2, 2:1, 1:0)
Pittsburq – Boston 1:4 (0:1, 1:2, 0:1)

14 aprel
Karolina – Toronto 1:4 (0:1, 0:1, 1:2)
Tampa-Bey – Baffalo 7:4 (1:2, 4:0, 2:2)
Vaşinqton – Kolambus 1:4 (1:1, 0:1, 0:2)
Vinnipeq – Edmonton 1:4 (0:0, 1:2, 0:2)
Anahaym – Kolorado 2:4 (1:0, 1:0, 0:4)
Kalqari – San-Xose 5:2 (2:1, 0:1, 3:0)