Xəbər verdiyimiz kimi, "Qarabağ" Peşəkar Futbol Liqasına müraciət edərək “Azərsun Arena”da təmir-bərpa işlərinin başa çatmaq üzrə olduğunu və klubun Misli premyer-liqasının 2024/25 mövsümünün son ev oyunlarını bu idman qurğusunda keçirmək istədiyini bildirilib. Ağdam təmsilçisinin müraciətini, Əsasnamə tələblərinin qorunmasını nəzərə alan qurum müraciəti müsbət qarşılayıb. Beləliklə, “Qarabağ” 33-cü turdan – “Sumqayıt”la görüçdən etibarən (4 may, saat 18.00) ev oyunlarını “Azərsun Arena”da keçirəcək.

“Football-plus.az” mövzuyla bağlı daha bir məlumat əldə edib. Belə ki, “Qarabağ”ın müraciətinin səbəbi təkcə “Azərsun Arena”da təmir işlərinin bitmək üzrə olması deyil, həm də “Tofiq Bəhramov”da başlayacaq işlərlə bağlıdı.

Dəqiq desək, may və iyun aylarında bu idman qurğusunda ot örtüyünün yaxşı vəziyyətə gətirilməsi yönündə çalışmalar həyata keçiriləcək. Ona görə ki, “köhlən atlar” avrokubokların 2025/26 mövsümündə də ev oyunlarını “Gənclik”də yerləşən idman qurğusunda keçirmək niyyətindədi.

KƏNAN BAHADIR