İspaniya mətbuatının məlumatına görə, “Mançester Siti” rəhbərliyi 17 yaşlı hücumçunun transferi üçün “Barselona”ya 275 milyon avro təklif edib.

Qeyd edək ki, keçid reallaşacağı halda Yamal futbol tarixinə ən bahalı oyunçu kimi düşəcək.
Onun xidmətində Səudiyyə Ərəbistanının adı çəkilməyən bir klubu da maraqlıdı. Həmin klubun yeniyetmə istedada görə kataloniyalılara 400 milyon avro təklif irəli sürməyə hazırlaşdığını “Fichajes” saytı xəbər verib.

Laminin klubu ilə hazırkı müqaviləsinin müddəti 2027-ci ilin yayına qədərdi. Onun bazar dəyəri 180 milyon avro dəyərləndirilir. Yeri gəlmişkən, Yamal bu mövsüm bütün turnirlərdə 43 matçda iştirak edib, 14 qol vurub və 21 məhsuldar ötürmə edib.