“Mançester Yunayted” rəhbərliyi Antoninin gələcəyi ilə bağlı qərar verib.

Böyük Britaniya mətbuatının məlumatına görə, klub 24 yaşlı cinah oyunçusunu satmağı planlaşdırır. MY braziliyalı futbolçunu almaq istəyən klublardan 40 milyon funt sterlinq (47,3 milyon avro) tələb edəcək.

Antoni ilə “Nyukasl” yaxından maraqlanır. Komandanın baş məşqçisi Eddi Hau onun bacarığını yüksək qiymətləndirir. Antoni MY-yə 2022-ci ilin yayında “Ayaks”dan keçib. O, ötən müddət ərzində bütün turnirlərdə 83 matçda iştirak edib, 11 qol vurub və 5 məhsuldar ötürmə edib. Futbolçunun klubla hazırkı müqaviləsinin müddəti 2027-ci ilin yayına kimi nəzərdə tutulub. “Transfermarkt” portalında verilən məlumata görə, futbolçunun bazar dəyəri 25 milyon avrodu.