Klubu Lamin Yamalı qorumaqda qərarlıdı.

"Football-plus.az" xəbər verir ki, “Barselona” rəhbərliyi istedadlı futbolçusu ilə müqaviləni yeniləyib.

Diqqəti cəlb edən əsas məqam yeni sözləşməyə1 milyard avroluq təzminat maddəsinin daxil edilməsi ilə bağlıdı. Bu barədə ilk növbədə insayder Fabritsio Romano məlumat yayıb. İspaniya klubu artıq bu məlumatı rəsmən təsdiqləyib. 16 yaşlı futbolçu ilə sözləşmənin müddəti 2026-cı ilin sonuna qədər artırılıb.
16 yaşlı Yamal “Barselona”nın yetirməsidi. Onun əvvəlki müqaviləsinin müddəti 2024-cü ilin yayında başa çatacaqdı. İspaniyalı futbolçu əsas komandada vu il aprelin 29-da debüt edib. Həmin gün komanda La Liqada “Betis”i 4:0 hesabı ilə məğlub edib. Lamin bu mövsüm bütün turnirlərdə 9 matçda iştirak edib və oyundaşlarına 2 məhsuldar ötürmə verib. Onun İspaniya yığmasının tarixinə ən yeniyetmə oyunçu kimi düşdüyünü də vurğulayaq. Yarımmüdafiəçi sentyabrın 8-də AÇ-2024-ün seçmə oyununda Gürcüstanı 7:1 hesabı ilə məğlub edib.

Yamal 16 yaş 1 ay 26 günlüyündə meydana çıxmaqla milli komandadanın rekordçusu olub.