“Komandada kimin qalmalı, kimin getməli olduğunu Qurban Qurbanov daha yaxşı bilir. Çünki o, daha yaxşısını, ən yaxşısını bilir. Futbolçunun fiziki formasından davranışına qədər hər şeyə o baxır, müəyyənləşdirir ki, kim qalmalıdı, kim yox. Böyük klublarda da belə şey var ki, komanda yaxşı çıxış etsə belə, “təzə qan” lazım olur. Azarkeş kimi onu deyə bilərik ki, yerli futbolçunun çox olmasının lehinəyik. Qurbanov yerli futbolçularla da uğur qazanıb. O vaxt Avropada oynayanda tək legioner Admir Teli idi, qalan hamısı yerli futbolçular. Amma bir komandada həm yerli futbolçuları oynadıb, həm də uğur tələb etmək düzgün olmaz. “İnter” Çempionlar Liqasını qazananda heyətində bir italiyalı futbolçu var idi – Materatsi. Beynəlxalq arenada uğur qazanmaq üçün yeni legionerlərə ehtiyac var. Buna da Qurban Qurbanov başda olmaqla, məşqçilər korpusu cavabdehdi. Nəsə uğursuzluq olanda buna nə biz azarkeşlər, nə də jurnalistlər cavab verəcək. Əsas məsuliyyət Qurban Qurbanovun üzərindədi”.