“Mən də bu barədə mətbuatdan oxudum və bildiyim qədəriylə Kadinin dönüşünə “Krasnodar”ın erməni rəhbərlərindən biri maneə törədib. Qurban Qurbanov Kadini istəyirsə, deməli, komandaya lazım olan biridi. Ancaq bir məsələ də var ki, “Qarabağ” sistem komandasıdı. Təbii ki, Kadinin də bu sistemin bir parçası olması yaxşı olardı. Fəqət əvəzedilməz oyunçu yoxdu. Qurban müəllim elə bir taktika quracaq ki, hansısa futbolçunun yoxluğu hiss olunmayacaq. Onsuz da ən uğurlu nəticələrimiz Kadisiz oldu. Önəmli olan sistemdi. Əlbəttə, daha yaxşı futbolçular olsa, bəlkə daha yaxşı nəticələr də olar. Həmçinin yaxşı nəticələr əldə etmək üçün şans da önəmlidi. Eyni zamanda bəzən hakimlərin “Qarabağ”a qarşı qərəzli qərarı da burda rol oynayır. Ümumi götürdükdə Kadi “Qarabağ”a gəlmiş ən yaxşı oyunçulardan biridi. Geri qayıtması çox gözəl olardı”.