İlk oyunda 8 qol vurulduğunu nəzərə alan futbolsevərlər və mütəxəssislər cavab görüşündə də belə ssenari yaşanacağını proqnozlaşdırırdı. Amma qapılara cəmi bir qol vuruldu.

"Football-plus.az" xəbər verir ki, “Atletiko” – “Barselona” oyununda ilk yarı daha maraqlı alındı. Barışmaz mübarizənin nəticəsi kimi hakim futbolçulara 5 sarı vərəqə göstərdi. Elə yeganə qol da ilk yarıda vuruldu. Torres Yamalın ötürməsindən yararlandı. Həmin Lamal Rafinyaya da dəfələrlə belə ötürmə verdi. Braziliyalı bu oyunda dubl, het-trik etməliydi, ancaq Mussonun qoruduğu qapıya bir dəfə də yol tapa bilmədi.

“Barselona” 2-ci hissədə məhz “Atletiko”nun üslubunda oynadı. Kataloniyalılar topu rəqibə versələr də, dərin müdafiəyə çəkilmədilər. “Hindular” əslində Şensnının qoruduğu qapıya yol tapdılar. Özü də “Barsa”nın qənimi Sörlot fərqləndi. Ancaq norveçli ofsaydda olduğundan qol qeydə alınmadı. “Atletiko” sonda hücum dalğası təşkil etsə də, Şensnının üzərinə elə də böyük yük düşmədi. Minimal hesablı qələbə “Barselona”nı finala çıxardı. Kataloniya nəhəngi aprelin 26-da Sevilyada keçiriləcək həlledici oyunda “Real”la qarşılaşacaq.

yarımfinal, cavab oyunu
Atletiko – Barselona 0:1
Torres, 27.
Atletiko: Musso, Aspilikueta (Qalan, 46), Ximenes, Le Norman (Molina, 58), Reynildo (Sörlot, 46), M.Lyorente, De Paul, Barrios, Simeone (Lanqle, 46), Qrizmann (Rikelme, 81), Alvares.
Barselona: Şensnı, Kunde, Kubarsi (E.Qarsiya, 58), Martines, Balde, De Yonq, Pedri, Yamal (Martin, 86), Lopes (Arauxo, 58), Rafinya, Torres (Levandovski, 74).
İlk oyun – 4:4.

Digər yarımfinal oyununun nəticəsi: Real – Real Sosyedad 4:4, əlavə vaxtda (ilk oyun – 1:0).