“Nürnberq”in hücumda daha effektiv çıxış etməsi vacibdi ki, bundesliqaya vəsiqəyə daha yaxın olsun. Lakin Klozenin bu yöndə geniş seçim imkanı yoxdu. Yanis Antiste və Lukas Şleymer kimi futbolçuların start heyəti üçün məqbul olmadıqlarını gördük. Hətta Antiste lider “Hamburq”a qarşı oyunda qırmızı vərəqə alaraq komandasının böyük hesabla (0:3) uduzmasının ən böyük səbəbkarı oldu. Dustin Forkel, Yanni Serra və Benjamin Qollerin də məhsuldarlığı xeyli aşağı düşüb. Yəqin ki, “Nürnberq” azarkeşləri Qoller adında hücumçularının olduğunu unudub. Deməli, komanda üçün lazım olan qolları yalnız Mahir Emreli vura bilər. O, indiyə qədər dəfələrlə “Nürnberq” üçün lazımlı futbolçu olduğunu sübut edib. Düzdü, Koreya “Seul”undan gələn təklif və futbolçunun apardığı gizli danışıqlar onun yaxşı irəliləyən karyerasına ciddi zərbə vurdu. Lakin indi Mahirdən başqa çıxış yolu yoxdu. Miroslav Kloze Emreliylə heç vaxt yaxşı dost ola bilməyəcək. Amma start heyətindən danışırıqsa, onun Mahirə ehtiyacı var”.