Turun açılış oyunu Bavariya derbisinə təsadüf etdi.

"Football-plus.az" xəbər verir ki, XXI əsrdə bundesliqada “Bavariya”dan ən çox xal qoparan klublardan olan “Auqsburq” budəfəki oyuna da iddialı çıxmışdı. Çünki komanda yanvarın ortalarından bəri heç kimə uduzmamışdı və son 7 turda cəmi 1 top buraxmışdı!

Bütün bunlar azmış kimi, meydan sahibləri yarım saatın tamamında hesabı açdı. Amma “Bavariya” qalan vaxtda 3 qol vuraraq əbəs yerə çempionluğa əsas namizəd sayılmadığını göstərdi. “Auqsburq”un bundesliqada 11 oyunluq məğlubiyyətsiz seriyası başa çatdı. Bərabərlik qolunu vuran Musiala münhenlilərin heyətində bundesliqada 45-ci dəfə fərqləndi. “Bavariya”nın tarixində 23 yaşı tamam olmadan bundesliqada 45-dən çox qolu yalnız iki əfsanə - Herd Müller (79) və Uli Höness (59) vurub. Amma Musialanın 2-ci hissənin əvvəllərində zədələnərək ən azı 7-8 həftəliyə sıradan çıxması komanda üçün heç də yaxşı xəbər olmadı.

“Bavariya”dan başqa bu tur səfərdə yalnız Dortmund “Borussiya”sı ilə “Ştutqart” qələbəyə sevindi. Özü də bu komandalar rəqib meydanında hərəyə 4 top vurdular. Ardıcıl 2-ci qələbəni bayram edən “arılar” “ÇL zonası” ilə xal fərqini 5-ə endirdi. Fanatlarına sanki iztirab yaşadaraq qalib gəlməyi xoşlayan “Bayer-04” yenə ənənəsinə sadiq qaldı. Son çempion “Haydenhaym”la səfər oyununda xal itirməyə çox yaxın idi. Amma yeni transfer argentinalı Buendianın matçın son anlarına təsadüf edən bundesliqadakı debüt qolu tam yerinə düşdü. Xabi Alonsonun komandası bu çətin qələbə sayəsində zirvədə xal fərqinin artmasına imkan vermədi. “ÇL zonası”nda qərarlaşan “Ayntraxt” və “Maynts-05” üçün tur uğursuz alındı. Frankfurt təmsilçisi Bremendən xalsız qayıtdısa, “karnavalçılar” evdə autsayder “Holştayn”la bacara bilmədilər. İlk qolu buraxan tərəf olmasına rəğmən, evdə “Hoffenhaym”ı məğlub edən “Leyptsq” Jolt Lövün başçılığı altında ilk qələbəsini qazandı. Münhenqladbax “Borussiya”nın 2 oyunluq qələbə seriyası “Sankt Pauli” ilə görüşdə qırıldısa, “Volfsburq”u minimal hesabla yenən “Union”un son 4 turda hesabına 12 mümkün xaldan 10-nu yazması diqqəti çəkir.

28-ci tur
Auqsburq – Bavariya 1:3
Yannulis, 30 – Musiala, 42. Keyn, 60. Matsima, 90+3-öz qapısına. (30660)
Bavariya: Urbiq, Laymer, Dayer, Kim Min Ce, Stanişiç, Kimmix, Palyinya, Olise, (Qnabri, 67), Musiala (Müller, 54), Sane (Gerreyro, 90+4), Keyn (Vidoviç, 90+4).

Haydenhaym – Bayеr-04 0:1
Buendia, 90+1. (15000)
Bayer-04: Qradetski, Frimponq, Ta, Andrix (Hofmann, 85), İnkapye, Qrimaldo, Qarsiya, Caka, Tella (Şik, 68), Bonifeys (Artur, 68), Adli (Buendia, 76).

Frayburq – Borussiya D 1:4
M.Eqqeştayn, 88 – Adeyemi, 34. Çukvuemeka, 51. Girassi, 68. Gittens, 78. (34700)
Borussiya: Kobel, Ryuyerson, Anton, Əmrə Can, Bensebayni (Salih Özcan, 61), Svensson (Kabar, 80), Qross, Çukvuemeka (Nmeça, 70), Brandt, Adeyemi (Gittens, 70), Bayer (Girassi, 61).

Leyptsiq – Hoffеnhaym 3:1
Şeşko, 24. Baku, 43. Poulsen, 84 – Bişof, 11. (44478)
Leyptsiq: Qulaçi, Nedelkoviç (Klostermann, 73), Orban, Lukeba, Raum, Vermeeren (Baumqartner, 46), Zayvald (Aydara, 73), Baku (Qomis, 46), Simons, Şeşko, Openda (Poulsen, 81).

Verder – Ayntraxt F 2:0
Berk, 28. Şmid, 84. (42100)
Ayntraxt: Santos, Kollins (Kristensen, 63), Kox, Teate, Braun, Skiri, Tuta (Batşuayi, 46), Götse (Matanoviç, 82), Larsson (Çaibi, 70), Bahoya (Höylunn, 70), Ekitike.

Maynts-05 – Holştayn 1:1
Vayper, 75 – Bernardsson, 34. (32500)

Sankt Pauli – Borussiya M 1:1
Afolayan, 85 – İtakura, 45+2. (29546)

Bohum – Ştutqart 0:4
Şabo, 8. Demiroviç, 11; 48; 85. (26000)

Union – Volfsburq 1:0
Hollerbax, 63. (22012)

1. Bavariya 28 21 5 2 81-27 68
2. Bayer-04 28 18 8 2 63-34 62
3. Ayntraxt F 28 14 6 8 55-42 48
4. Maynts-05 28 13 7 8 46-32 46
5. Leyptsiq 28 12 9 7 44-35 45
6. Borussiya M 28 13 5 10 45-41 44
7. Frayburq 28 12 6 10 38-44 42
8. Borussiya D 28 12 5 11 52-43 41
9. Ştutqart 28 11 7 10 51-44 40
10. Verder 28 11 6 11 45-53 39
11. Auqsburq 28 10 9 9 31-39 39
12. Volfsburq 28 10 8 10 49-42 38
13. Union 28 9 6 13 26-40 33
14. Hoffenhyaym 28 6 9 13 34-52 27
15. Sankt Pauli 28 7 5 16 23-34 26
16. Haydenhaym 28 6 4 18 32-53 22
17. Bohum 28 5 5 18 28-59 20
18. Holştayn 28 4 6 18 39-68 18

Bombardirlər: Keyn (Bavariya) – 23, Şik (Bayer-04) – 17, Girassi (Borussiya D), Marmuş (Ayntraxt F), Burkardt (Maynts-05), Klayndinst (Borussiya M) – 15.

Növbəti turun oyunları aprelin 11-13-ü aralığında keçiriləcək: Bayеr-04 – Union, Bavariya – Borussiya D, Borussiya M – Frayburq, Bohum – Auqsburq, Ayntraxt F – Haydenhaym, Hoffеnhaym – Maynts-05, Holştayn – Sankt Pauli, Ştutqart – Verder, Volfsburq – Leyptsiq.

Turun rəqəmi
284 – son həftələrdə bundesliqada qapıçılarla bağlı maraqlı faktlar qeydə alınır. “Frayburq”lu Noa Atubolu 610, “Auqsburq”lu Finn Damen 684 dəqiqə qol buraxmamaqla diqqəti çəkmişdisə, indi də Münhenqladbax “Borussiya”nın ikinci qapıçısı Tyaqo Pereyra Kardoso diqqət mərkəzinə düşüb. Lüksemburq yığmasının üzvü bundesliqada 24-cü turda “Haydenhaym”la səfər oyununda (3:0) debüt etdi. Daha sonra 26-cı turun 72-ci dəqiqəsində meydana çıxan 19 yaşlı qapıçı həm bu oyunda, həm də ötən tur “Leyptsiq”lə qarşılaşmada qol buraxmadı. Bu həftə isə o, yalnız 85-ci dəqiqədə qapısında qol gördü. Bundesliqada keçirdiyi ilk 284 dəqiqə ərzində qol buraxmamaq turnirin tarixinin ən yaxşı 4-cü göstəricisidi! Yalnız Timo Horn (381), Dirk Krüssenberq (311) və Heribert Maxerey (296) bu göstəricidə Kardosodan üstündü.

Turun ulduzu
Ermedin Demiroviç (Ştutqart) – bosniyalı forvard het-trik etməklə tura damğa vurdu. 2020-ci ildən karyerasını Almaniyada davam etdirən və daha öncə “Frayburq” ilə “Auqsburq”un da şərəfini qoruyan 27 yaşlı futbolçu 152-ci bundesliqa oyununda ilk dəfə het-trik etdi. Bu mövsüm bundesliqada qol sayını 13-ə çatdıran Demiroviç daha 3 dəfə fərqlənəcəyi təqdirdə şəxsi rekordunu yeniləyəcək. O, ötən mövsüm “Auqsburq”da 15 dəfə fərqlənmişdi. Demiroviç bu 13 qoldan 9-nu səfərdə vurub. Maraq üçün bildirək ki, hazırda 23 qolla bombardirlər yarışına başçılıq edən Keyn bunlardan yalnız 8-ni səfərdə vurub.

Turun sitatı
Xabi Alonso, “Bayer-04”ün baş məşqçisi: