"Matç istədiyimiz tərzdə keçdi. Diqtə edən tərəf biz idik. Plana uyğun davrandıq. Litva yığmasıyla ilk dəfə qarşılaşdıq. Əlbəttə, bunun öz çətinliyi var idi. Məşqçilər korpusunun tapşırıqlarını yerinə yetirməklə layiq olduğumuz üç xalı qazandıq. Rəqib cəmi bir təhlükəli vəziyyətlə yadda qaldı. Bu da öz səhvimizdən oldu. Komanda olaraq, tez reaksiya göstərib "günahımızı yuduq". Hər halda, oyun ərzində hər baxımdan biz öndə idik".

"Bu görüşdə qalib gəlməklə lider ola bilərik. Bilirik ki, bizi çox ağır oyun gözləyir. Monteneqroya qarşı bütün matçlarımız çətin keçir. Bu komandanın üzvləri güclü liqalarda çıxış edir. Buna baxmayaraq, oyuna tam hazır olacağıq. Təəssüf ki, başqa çətinliklərlə üz-üzəyik. Oyunlar səfərdədi, həmçinin itkilərimiz var. Yenə də həmişəki kimi birlik və mübariz oyun tərzi nümayiş etdirməklə Monteneqroyla matçda sərfəli nəticə əldə edə biləcəyimizi düşünürəm. Komandamızı "ölüm-dirim” savaşı gözləyir".