Çiro İmmobilenin Türkiyə karyerası istənilən səviyyədə keçməsə də, onunla bağlı müxtəlif şayiələr dolaşır.

''Football-plus.az'' xəbər verir ki, təcrübəli italiyalı forvard mövsümün əvvəlində böyük ümidlərlə ''Beşiktaş''a gəlmişdi.

Əslində onun göstəriciləri faciəvi deyil. İmmobile bu mövsüm 33 rəsmi oyunda aktivinə 15 qol, 3 məhsuldar ötürmə yazıb. Amma o, bu qolların böyük əksəriyyətini ilk aylarda vurub. Təsadüfi deyil ki, 35 yaşlı futbolçu son 10 rəsmi oyunda cəmi 1 dəfə fərqlənib. Elə ''Qalatasaray''a qarşı son derbidə baş məşqçi Ole Qunnar Sulşerin ona ehtiyac duymaması və İmmobilenin bütün oyunu ehtiyatda keçirməsi diqqətdən qaçmadı. Qeyri-adi bir şey baş verməsə o, mövsümün sonunda Türkiyədən və ''Beşiktaş''dan ayrılacaq.

Maraqlıdı ki, İmmobilenin irəliləyən yaşına və məhsuldarlığının aşağı düşməsinə baxmayaraq o, ''Beşiktaş''dan daha adlı-sanlı kluba keçə bilər. ''Calcio Mercato''nun xəbərinə görə ''İnter'' iranlı forvard Mehdi Tareminin performansından narazı qaldığı üçün gözünü İmmobileyə dikib. İtaliya futboluna uyğunlaşmaqda çətinlik çəkən Taremi bu mövsüm 34 rəsmi oyunda cəmi 3 qol vurub.

''İnter'' hazır, təcrübəli və İtaliya futbolunu tanıyan bir hücumçu axtarır ki, İmmobile də bu kriteriyalara cavab verir. Bu futbolçu son açıqlamasında özü də İtaliyaya qayıtmağın əleyhinə olmadığını bu sözlərlə biruzə vermişdi: