''Beşiktaş''ın gənc ulduzu Semih Kılıçsoyun artıq çəki ilə bağlı problemi var imiş.

Əslində fanatlar bu mövsüm tez-tez bu məsələni qabardırdı. Çünki 19 yaşlı futbolçu ötən mövsümkü görüntüsündən və performansından uzaqdı. Amma bu məsələ mətbuatda yalnız indi işıqlandırılıb. Məlum olub ki, Semihin orqanizmi həqiqətən də kökəlməyəmeyillidi. ''Beşiktaş''ın tibbi personalı onun üçün xüsusi olaraq pəhriz proqramı hazırlayıbmış. Amma Semih bu pəhrizə riayət etmədiyindən hazırda 6 kq artıq çəkisi var! Onun məhsuldarlığının aşağı düşməsi də məhz bununla əlaqəlidi.

Ötən mövsümün kəşflərindən biri olan Semih Kılıçsoyun bu mövsüm xüsusilə Çiro İmmobilenin olmadığı matçlarda qolları sıralayacağı və komandanı arxasınca daşıyacağı güman edilirdi. Çünki İmmobile heyətdə olarkən sol vinger kimi oynamaq məcburiyyətində qalan istedadlı futbolçu İmmobilenin olmadığını oyunlarda öz sevimli mövqeyində - hücumun mərkəzindən şans qazanır. Amma Semih bu mövsüm 23 rəsmi oyunda cəmi 2 qol, 5 məhsuldar ötürmə ilə fərqlənib.

Sosial şəbəkələrdə tənqidlərin artması üzündən bu futbolçu elə bütün komanda kimi psixoloji cəhətdən çətin dönəmdən keçir. Semihin yaranmış 2 həftəlik fasilə zamanı həm pəhrizə riayət edəcəyi, həm də əlavə məşqlər edərək formaya düşməyə çalışacağı gözlənilir.

ƏLİ