Birləşmiş Ərəb Əmirlikləri (BƏƏ) yığmasının baş məşqçisi Paulu Bentu istefaya göndərilib.

BƏƏ Futbol Assosiasiyasının mətbuat xidmətinin məlumatında portuqaiyalı mütəxəssisin və onun köməkçilərinin qovulmasının səbəbi hələlik açıqlanmayıb. Futbol qurumu, sadəcə, baş məşqçi və onun köməkçiləri ilə müqavilələrə xitam verildiyini bildirib.

BƏƏ yığması Bentunun rəhbərliyi altında son oyununu martın 25-də KXDR-ə qarşı keçirib və çətin mübarizə şəraitində keçən görüşdə 2:1 hesablı qələbə qazanıb.

BƏƏ DÇ-2026-nın Asiya zonası üzrə seçmə mərhələsinin A qrupunda 13 xalla 3-cü yeri tutur. Bu qrupda İran (20 xal) artıq mundiala vəsiqəni təmin edib. 2-ci yerdəki Özbəkistanın isə 17 xalı var.