Karluş Keyruşun yeni iş yeri bəlli olub.

Football-plus.az xəbər verir ki, portuqaliyalı məşqçi bundan sonra da Asiya qitəsində çalışacaq. O, Qətər millisinin baş məşqçisi təyin edilib.

Qətər Futbol Federasiyasının mətbuat xidmətinin məlumatında Keyruşla bağlanan müqavilənin müddətinin 2026-cı ilin yayına qədər nəzərdə tutulduğu bildirilib.

69 yaşlı mütəxəssis yeni iş yerində Feliks Sançesə xələf olub.

İspaniyalı çalışdırıcı Qətər yığmasını DÇ-2022-nin final mərhələsindən sonra tərk etmişdi. Xatırladaq ki, onun sabiq komandası mübarizəni qrup mərhələsində dayandırmışdı.
Keyruşun sonuncu iş yeri olan İran yığması da ötən ilin son aylarında keçirilən mundialın iştirakçısı olmuşdu. Qocaman çalışdırıcı daha əvvəl Portuqaliya, Cənubi Afrika, Kolumbiya, Birləşmiş Ərəb Əmirlikləri və Misir millilərinin də baş məşqçisi olub.