“Real” rəhbərliyi Almaniya yığmasının üç futbolçusunun transferindən imtina edib.

“Marca” nəşrinin məlumatına görə, “Bavariya”nın yarımmüdafiəçisi Yozua Kimmix özünü Madrid klubuna azad agent statusunda keçməyi təklif edib. Münhen klubunun digər futbolçusu Leroy Sane ilə “Bayer-04”ün müdafiəçisi Conatan Ta da özlərini eyni şəkildə İspaniya klubuna təklif ediblər. Lakin “Real” hər üç futbolçunun təklifini rədd edib.

Qeyd edək ki, Kimmix yaxında klubu ilə müqaviləsinin müddətini 2029-cu ilə qədər uzadıb. Sane ilə Tanın sözləşmələri isə yayda başa çatacaq.