"Bir neçə gün əvvəl Tacikistanla süni qazonda oynadıq (Belarus 5:0 hesabıyla qalib gəlib – red.). Orda isti idi. Sabah isə soyuq havada, təbii qazonda oynayacağıq. Artıq bir neçə günü Azərbaycandayıq, uyğunlaşmışıq, oyuna hazırıq. Tacikistan və Azərbaycan arasındakı oyunların fərqi haqda danışmaq istəmirəm. Bunlar fərqli oyunlar olacaq. Bütün futbolçularımız hazırdı, start heyətini bir qədər sonra müəyyənləşdirəcəm. Azərbaycan yığmasının təzyiqə məruz qalmasına gəlincə, təzyiq həmişə var. Biz sabah uduzsaq, onda təzyiq altına düşəcəyik. Azərbaycan yaxşı komandadı, ona hörmət edirik. Burdakı sonuncu oyunda sizin yığmaya uduzmuşuq. Sabah da asan olmayacaq. Son oyunda məğlubiyyət yığmanız üçün motivasiya ola bilər. Biz isə meydana qələbə üçün çıxacaq, kimlərisə yoxlamağa çalışacağıq. Fernando Santuş top səviyyəli məşqçidi, Portuqaliyanın böyük klublarında çalışıb. Ona hörmət edirəm. Ancaq şərait və oyunçular fərqlidi. Sabah qalib gəlmək istəyirik".