Bazar günü futbol üzrə ölkə çempionatında 3-cü dövrə başa çatdı.

"Football-plus.az" xəbər verir ki, 9 turun 45 matçında 97 qol vurulub.

Dövrənin ən yaxşısı “Zirə”di. Qəsəbə klubu bu il keçirdiyi 9 matçda hamıdan çox – 7 qələbə qazanıb, 1 dəfə heç-heçə edib, daha bir oyunda uduzub. Rəşad Sadıqovun komandası həm də bu dövrədə ən yaxşı top fərqinə malikdi. “Qarabağ” “Zirə”dən həm xal, həm də qələbə sayında geri qalıb. Sadəcə, ağdamlılar 3-cü dövrədə hamıdan çox – 18 qol vurub.

“Araz-Naxçıvan” hər nə qədər böhran yaşadığını inkar etsə də, aşağıdakı turnir cədvəli hər şeyi açıq-aydın göstərir. Avrokuboklara iddialı “Turan Tovuz”la “Sabah” da nəticələrinə görə turnir cədvəlinin 2-ci qütbündə qərarlaşıb. Bu iki komanda 3-cü dövrədə mümkün xalın heç yarısını da toplamayıb.

1. Zirə 9 7 1 1 16-6 22
2. Qarabağ 9 5 2 2 18-9 17
3. Neftçi 9 4 2 3 9-8 14
4. Kəpəz 9 3 3 3 10-11 12
5. Şamaxı 9 3 2 4 9-9 11
6. Turan Tovuz 9 3 2 4 10-14 11
7. Səbail 9 2 3 4 5-11 9
8. Sabah 9 1 6 2 9-10 9
9. Sumqayıt 9 2 2 5 5-10 8
10. Araz-Naxçıvan 9 1 5 3 6-9 8