Kevin de Bruyne ilə bağlı növbəti xəbər yayılıb.

Bir müddət əvvəl onun “Mançester Siti”ni mövsümün sonunda tərk edə biləcəyi haqda məlumatlar yayılmışdı. Son xəbərdə isə təcrübəli futbolçunun müqaviləsinin daha birilliyə yenilənmək ehtimalı vurğulanır.

Belçikalı yarımmüdafiəçinin hazırkı müqaviləsi iyunun 30-da qüvvədən düşəcək. Rəhbərliyin ona yeni təklif irəli sürməyi düşündüyü bildirilir. “Mirror” qəzeti De Bruynenin komandada qalması üçün məvacibinin azaldılmasına razılaşmasının vacib olduğunu yazıb. Onun hazırkı həftəlik maaşı 375 min funt sterlinqə bərabərdi. Rəhbərlik Kevinə həftəyə yalnız 150 min funt sterlinq ödəməyi planlaşdırır, lakin yeni müqavilədə bir sıra bonusları da nəzərdə tutur.

33 yaşlı De Bruyne MS-də 2015-ci ildən çıxış edir.